2 Timootiyu 1:7 - Hapari Zooshapweya

⁷ Maana Nluku khaninkheeni rooho ya woova, ila ya owahi, ya pheta na yoolipalipa.

2 Timootiyu 1:7 Referans Kwoze

Arooma 8:15

Maana mweeyo khamwipokhereeni Rooho yawuurettani oviitthwaana yoori mwirutele woova theenya, ila mwapokhera Rooho yuurettiyeenini wiiya aana khwa wuukaphulani, ethiito ninkhuwelaaye yoori “Aba, Paapa.”

1 Yaahaya 4:18

Nkatthi wa opheta khawiimo woova, ila pheta yookamilikha eniikara woova. Mwaasa yoori woova onttheriwa ti hukhumu. Aphano otule anoovaaye khakamilikheeni khwa pheta.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Yaahaya 14:27

Kinuulikhelani heeri, heeri yaka kiniwinkhani, ila akiniwinkhani nkhama oninkhaazo olumwenku. Mwihihankayikhise rooho zenu, wala mwihoove.

Luuka 10:19

Mwikisiileze! Kiniwinkhani owahi wooluwattha nyookha, wenye, na owahi wooshi wonshintta atuwi; khuhuurettini hatha etthu.

Khaazi 1:8

Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

Meepereewu 2:15

na owaataphula ooshi apale arettiweeyo oviitthwaana ohaayi aya wooshi mwaasa wa woova ofwa.

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

1 Akorintiyu 2:4

Hapari zaka na tafusiiri zaka khinlankha nkatthi wa mattakhuzi a akhili otakha wuushinttanani, ila zinlankha khwa othoonyeziwa wa owahi wa Rooho ya Nluku,

Luuka 24:49

Miiyo kinlawa kooperekhezeni etile Paapa ahitiyeeyo. Ila mweeye Yeruzaleemu ottuukho mpakha mwiitaazaniwe owahi wa pinkuuni.”

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

Khaazi 21:13

Aphano Paawulu khuri: “Mwinlilani mwikipatthisaka huzuni? Miiyo kiri thwayaari khahiyo ofukiwaru paasi, ila na theenya ofwa Yeruzaleemu ottuukho mwaasa wa nzina la Mbwana eetthu Yinsa.”

Akoloosu 1:8

othuuto anuuziyeeyo pheta mwiriinaaye mweeyo Nroho.

Khaazi 6:8

Shiteevawu ntthu wawiitaala rehema na owahi, aari oretta vitthu zootikinisa na alama khuluzeene vakatthi wa atthu.

Khaazi 9:22

Ila wakhula swaafu mattakhuzi a Sawulu aari wiiya oowahi. Na mithoonyezo aari olazaazo yoori Yinsa ti Al-Masiihu zaari zookhomaala mpakha mayaahuuti aari wiikhalaaye Tamaashiku khuhisala ajuwa etthu yoolupa.

Luuka 8:35

Khulawa atthu awaatta olawa woona vitthu epile zaarettikhaniyeezo. Wakathi amwaattamiyeeyo Yinsa, khumoona nlume otule ansaruwiyeeyo masheethwani eekhaliye nshini wa moolu a Yinsa awaliye kuwo zawe na atthiiyemo akhili, yo khwiiya awoova.

Khaazi 26:25

Paawulu khujipu yoori: “Mfwalume Feeshitu, Miiyo akinlolo, vitthu kinlupaazo pi za haakhi na zooshapweya.

Luuka 15:17

“Khujipayini khuri: ‘Anakhaazi akavi a paapa ariina etthu yoojiwa yoowaafiyela, miiyo kiri okhuno entta okikhola jala.

Khaazi 26:11

Wakathi mwinkeene kaari weettaka mmasinakooka olawa owaahukhumu attakatthiifu na owaakhanyarela okufuru, katapu kaariina khwa atthu apale yaakifiyelelisiye olawa sitati kiina kiwaalupatthaka.