2 Pheeturu 3:9 - Hapari Zooshapweya

⁹ Mbwana khanrupaza oretta etile ahitiyeeyo, nkhama anaakanyeraazo atthu akina. Ila ye ti woovilela khwa mweeyo, khantakha yoori eeyevo ampwetheyaaye, ila ontakha yoori atthu ooshi athupwiye twampi zaya.

2 Pheeturu 3:9 Referans Kwoze

1 Timootiyu 2:4

Ye ontakha yoori eeye awuusurukha atthu ooshi na ajuwe haakhi.

Arooma 2:4

Ama talili weeyo ontarawu maali za emaani yawe, ovilela na olevelela, ohijuwaka yoori okemaani wa Nluku onuulawana muuthupwiya?

Othoonyeziwa 2:21

Kaamwinkhiye wakathi yoori athupwiye khwa khaapa yawe twayifu, ila ye khantakha othupwiya.

2 Pheeturu 3:15

Mwitthe mwa akhili mweenu yoori ovilela wa Mbwana eetthu onthoonyeza nusura, nkhama mphetani ttwiiyetthu Paawulu awaatikheliyeenini khwa ojuwa Nluku amwinkhiyeeyo.

1 Timootiyu 1:16

Tiito kooneliweeyo huruma, yoori khwa miiyo, wootepacha waya, Yinsa Al-Masiihu akivilela yoori awaathoonyeze ooshi apale anttelaaye omwaamini apatthe ohaayi wa mileele.

Meepereewu 10:37

“Maana nasaapi, woohirupazi channu, otule antaaye onta, na khanrupaza.

Arooma 9:22

Na nkhama Nluku atakhaka othoonyeza katapu yawe na oretta wiiya woojuwiwa owahi ariinaaye, alevelela na ovilela nwulweene zoopo za katapu yawe, zootthenkezeliwa otapanyiwa?

Olaawo 18:23

Amana weeyo oretta, na nkhama Nluku aruma, weeyo ontta owahi ovilela tafwawuthi zaya epo na atthu apa ooshi eettaka orutela onti, tafwawuthi zaya ziri zawaattaleliwa.”

1 Pheeturu 3:20

Epo zaari rooho za apale ahaari onshututelaaye Nluku, wakathi ye aari oweejaaye na ovilela siikhu epile Nuuhi aari omwaattalaavo aaraka. Eettiyemo atthu vattitthiiru, oosheene aari wanaane pi oosurukhiyeeyo khwa maati.

Zaapuura 77:8

Talili wahati awe wa pheta khwa fweeyo wamwaashikha mileele? Ahiti yawe yeetta wiisha khwa mileele?

Arooma 13:11

Mwisala mwiretta epo, mwijuwaka wakathi niniikhalaaye, wafiya wakathi wa mweeyo wuumwazeyani osikizi, maana nusura yeetthu eri kharipu zayita wakathi nikhupaliyeeyo.

Arooma 13:12

Osikhu onsaleela wiisha; nthana ori kharipu. Nakataalikha nilikhe khaazi za n'yiiza na nijiwalise zaana za nnuuru.

2 Pheeturu 1:4

Khwa nanna ethiito, ye aninkha ahiti yawe khuluyeene na yootafikhana yoori khwa etthiipo mweeyo mwipatthe oretta phantte ya ephattu ya Nluku, mwiweraweraka vitthu zootakhala ziriiye voolumwenku, mwaasa wa omaashokopho.