2 Pheeturu 2:6 - Hapari Zooshapweya

⁶ Theenya khwinkha paathuli sitati ya Sotooma na Komoora, khulukuza khwiiya fuutha khuretta wiiya nthoonyezo wa etile enttelaaye owaarettikhanela makaafiri;

2 Pheeturu 2:6 Referans Kwoze

Yuuda 1:7

Nkhama Sotooma na Komoora na sitati kiina zaya za nkerekhere zajittha nkatthi wa vitthu zootakhala na khaapa twayifu. Yo ari nkhama nthoonyezo yoori ari nkatthi wa hukhumu ya moottho wa mileele.

1 Akorintiyu 10:11

Vitthu zaya epo zawaarettikhanela nkhama nthoonyezo na zaatikhiwa yoori nuuziwe fweeyo, khwa otule anttelaaye ofiya wakathi wa mwiisho.

Mwanzo 19:28

Khweekesa phantte ya Sotooma na Komoora na miti zooshi za shiini yaya etile, khusala oona loosi la waatta leettaka otthuwela mmuti mphule nkhama njocho lookhoziwa.

Yuuda 1:15

yoori awaaphuke atthu ooshi na awaashintte makaafiri ooshi monkoni wa khaazi zaya za okaafiri arettiyeeyo, wookaafirivo na monkoni wa mattakhuzi oohifwayi anatwampi, anlupeziyeeyo ye.”

Matewuzhu 10:15

Miiyo kiniwuuzani khweele yoori, siikhu ya ophukiwa enttela wiiyavo tthakaraka khwa Sotooma na Komoora zayita sitati ya eto.

Matewuzhu 11:23

Khi weeyo Kafwaranaawu, onttela oweziwa mpakha pinkuuni? Wala, weeyo onttela weeseleliwa motthooni! Eriwaka minjuza zirettiweeyo vakatthi vawo zeettiye orettiwa Sotooma, zaari weettela opharelela mpakha leelo.

Arooma 9:29

Nkhama alupiyeezo Ezaaya raku yoori: “Eriwaka Mbwana wa Owahi kheettiye onilikhela peewu kiina, niri nkhama Sotooma na nilattananiye Komoora.”

Meepereewu 4:11

Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.