2 Pheeturu 2:3 - Hapari Zooshapweya

³ Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

2 Pheeturu 2:3 Referans Kwoze

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

1 Atizaloonika 2:5

Mweeyo mwinjuwa saaneene yoori mattakhuzi eetthu khahiyo ottettekha wala wuutakhani etthu. Nluku shaahiti wa epo zaya.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Yuuda 1:15

yoori awaaphuke atthu ooshi na awaashintte makaafiri ooshi monkoni wa khaazi zaya za okaafiri arettiyeeyo, wookaafirivo na monkoni wa mattakhuzi oohifwayi anatwampi, anlupeziyeeyo ye.”

Tiitu 1:11

Enihithajiya owaanyamaza, maana antta owaatapanya ajama ooshi, asomisaka vitthu zoovonyeya, yoori asala apatthela nzurukhu wakhula nanna.

1 Timootiyu 6:5

na oshinttana woohilikheleli. Nkhama etthiipile aazowereliyeezo atthu awiiyana akhili za wuntuwanyiwa, eeyeliweeyo haakhi yaya, apo aya anoona yoori tiini etthu enreelisaaye.

2 Pheeturu 2:9

Nakataalikha, ninoona yoori Mbwana onjuwa owaataphula atthu apale a emaani khwa wootootiwa na khuwaapweha makaafiri vathi wa hukhumu ya siikhu ya ophukiwa,

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

2 Pheeturu 1:16

Weekhweele fweeyo khanaari olotta hantisi zoopankiwa saaneene wakathi naari owuuzanini monkoni wa owahi wa ota wawe Mbwana eetthu Yinsa Al-Masiihu; ila naari mashaahiti nooniyeeyo owula wawe.

1 Pheeturu 5:2

Mwishuke liphanko la Nluku mwinkhiweeyo otthantta saana, khahiyo khwa okhanyareliwa, ila khwa niiya yooshi nkhama Nluku antakhaazo. Mwihirette khwa omaashokopho, ila khwa niiya ya orumeya.

Tiitu 1:7

Mwaasa wa wiiya namapweheliwa wa khaazi ya Nluku, nttunkhulu nwulu wa ojama wa Nluku ona ya wiiya ntthu woohiina paathuli, woohijikhupali, woohiwalaali, woohihapaliwi, woohihusuti, wala wontuvela fwayita yohiiyi ya shariya.

Yuuda 1:11

Otakhaliwa pu waya! Maana anlottela tarikhi ya Kayiini. Mwaasa wa nzurukhu, yo ajittha nkatthi wa vitthu zoovonyeya za Palaawu, na atapanyiwa muukhijili wa Koora.

Yuuda 1:7

Nkhama Sotooma na Komoora na sitati kiina zaya za nkerekhere zajittha nkatthi wa vitthu zootakhala na khaapa twayifu. Yo ari nkhama nthoonyezo yoori ari nkatthi wa hukhumu ya moottho wa mileele.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

1 Pheeturu 2:8

na, “Liwe lookwakwanttula na liwe linkwisaaye.” Yo ankwakwanttuwa mwaasa akhijilela hapari, maana piitthiipo atthomeliweeyo.

1 Timootiyu 3:8

Khwa nanna etthiipo anamarumeyela a ojama wa Nluku na yo eeye atthu ooshitahiwa, ahiiye amwanomwaano, ahiiye oohapaliwa wala oowaatuvela opattha fwayita yohiiyi ya haakhi.

1 Timootiyu 3:3

Ahiiye ntthu woohapaliwa ama woohusuti, eeye ntthu wookemaani na wa heeri. Ahiiye ntthu wontuvela nzurukhu.

1 Atizaloonika 5:3

Amana atthu alupa yoori: “Vitthu zooshi pi za wiitthaala na zoolipaneya,” otapanyeya onta woohirupazi, nkhama olwaaza wa ovokola wa muukha, na hatha vattitthiiru khanteela ovukha.

Yaahaya 2:16

Na khuwooza apale aari wuuzanyisaaye jiwa yoori: “Mwilazemo vitthu zooshi! Mwilikhe oretta pazari nyuupa ya Paapa.”

Luuka 22:47

Eettaka ottakhula nalelo, khupuwa khuntti ya atthu awaatta, na mmote wa apale khumi na awiri, otule aari wiitthiwaaye Yuuda, aawaalokozeliyeeyo, khumwaattama Yinsa yoori ampatikhe.

Luuka 20:20

Aphano yo khusala amweekesela, khuwaaruma atthu aari ojinkhelelaaye wiiya anashariya onsaya sirini, yoori ansikanane etthu yoolupa ankhole anlawane wa nsatoro.

Luuka 18:8

Kiniwuuzani yoori ye oniwaawanyela shariya woohirupazi. Aphano Mwaana wa Pinaatamu wakathi anrutelaavo va olumwenku apha, onteela osikanavo amini?”

Yuuda 1:16

Atthu aya apo aniikhala ajilizaka, anamwiphiiriwa na nasipu yaya, anlottela tuvela zaya zoohifwayi, oojikhupali, aniwaattettekha azaaya khwa tuvela zaya.

Matewuzhu 23:14

Olaanikha pu weenu mweeyo anamanozela a kano na mafwarizeewu, manaafikhi, maana mwimpala maali za anamfweliwa pi amannazaya na ojitapwatelana oretta lompa zoolepa; khwa etthiipo mwinteela ohukhumwiwa saaneene.