2 Pheeturu 2:14 - Hapari Zooshapweya

¹⁴ Mmaasho mwaya weetaalamo oraruwa, khanlikha theenya oretta twampi, aniwaattettekha apale oottettheya, anaaye rooho ya weettettisa omaashokopho. Atthu oolanikha!

2 Pheeturu 2:14 Referans Kwoze

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

2 Pheeturu 2:3

Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

2 Pheeturu 3:16

Warakha zawe zooshi ye aatikha nanna moote, alupaka monkoni wa vitthu etthiipo. Warakha zawe ena vitthu kiina zoolipa ntthu omweeleya, epo zaya atthu apale oohijaliwi na apale oottettheya nkatthi wa amini annyokola mattakhuzi, nkhama anrettaazo khwa phantte kiina ya Zawaatikhiwa Ttakatthiifu. Khwa ethiito yo anjitapanya eenyewe.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

1 Akorintiyu 11:19

tiito enihithajiya wiiyavo waawanyeya mweeyenaru, yoori ajuwiwe paani wa mweeyo eeyiyeeyo woohakikhiwa.

Yaahaya 5:44

Mwinttela okhupali toovi mwitakhaka osifwiwa pi atthu, mwihitakhaka siifwa ya Nluku mmote paasi?

Matewuzhu 12:34

Ojama wa nyookha, mweeyo ootakhala rooho, enretteya ottakhula vitthu zooshapweya? Maana milomo enttakhula etile eniiyaaye varoho.

1 Yaahaya 2:16

Maana zooshi ziriiye voolumwenku, omaashokopho wa mwiili, omaashokopho wa maasho, ojikhupali na maali; epo zaya khinlankha wa Paapa, ila voolumwenku.

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Tiyaaku 1:8

Maana ona shawuri zawaawanyeya na khanjuwa hatha etthu yooretta.

Akoloosu 2:18

Mwihinlikhelele ntthu onintuvelaaye ojipushuwisa woovonyeya na khwa waaputu malayikha wuukarawelani opattha tthuvo. Ntthu aya oto onthatela saaneene jozi zawe, na akhili zawe za onaatamu enimwinkha ojikhupali.

Yuuda 1:11

Otakhaliwa pu waya! Maana anlottela tarikhi ya Kayiini. Mwaasa wa nzurukhu, yo ajittha nkatthi wa vitthu zoovonyeya za Palaawu, na atapanyiwa muukhijili wa Koora.

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Matewuzhu 5:28

Ila miiyo kiniwuuzani yoori, wakhula animweekesaaye muukha na khuntakha nroho mwawe, araruwa.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Matewuzhu 23:14

Olaanikha pu weenu mweeyo anamanozela a kano na mafwarizeewu, manaafikhi, maana mwimpala maali za anamfweliwa pi amannazaya na ojitapwatelana oretta lompa zoolepa; khwa etthiipo mwinteela ohukhumwiwa saaneene.