2 Pheeturu 1:7 - Hapari Zooshapweya

⁷ va emaani, ojalana; va ojalana, pheta.

2 Pheeturu 1:7 Referans Kwoze

Meepereewu 13:1

Mwikhanyarele ophetana mmote na nzeenu nkhama attwi khwa Al-Masiihu.

Arooma 12:10

Mwijinkhe mmote na nzeenu nkhama pheta ya ntthu na ttwiiye. Mwihithari owaakhirimu azeenu zayita mweeyenaru.

1 Atizaloonika 3:12

Yoori Mbwana awulise na eekezele pheta mwiriinaaye mmote na nzeenu na atthu ooshi, khwa nthoonyezo wa pheta yeetthu na mweeyo.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

1 Yaahaya 4:21

Al-Masiihu aninkha oruma opu: Otule animphetaaye Nluku, theenya ona yompheta ttwiiye.

1 Yaahaya 3:16

Khwa etthiipo ninjuwa niini pheta: Yinsa aleva ohaayi awe khwa fweeyo, na nina yooleva ohaayi eetthu khwa attwi zeetthu.

1 Yaahaya 3:14

Fweeyo najuwa yoori navikana ofwa neetta muuhaayi, maana niniwaapheta attwiizetthu. Otule ahimphetaaye ompharerela muufwa.

1 Pheeturu 2:17

Mwiwaatthantte atthu ooshi khwa shitaha, mwiwaaphete attwi, mwimoove Nluku, na mwinshitahi mfwalume.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

Akoloosu 3:14

Khwa zooshi epo mwijiwalise pheta, maana ti ethiito ennikusanyaaye wookhaamilikhavo.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Atizaloonika 5:15

Mwiiyane phoole yoori ahiiyevo anriphaaye yootakhala khwa yootakhala, ila mwiiye akemaani mileele mmote na nzeenu na khwa atthu ooshi.