2 Pheeturu 1:6 - Hapari Zooshapweya

⁶ va ojuwa, ojishintta omweenyewe; va ojishintta omweenyewe, nthiti; va nthiti, emaani;

2 Pheeturu 1:6 Referans Kwoze

2 Pheeturu 1:3

Owahi wawe onlankhaaye pinkuuni onninkha wakhula etile ninhithajiyaaye yoori niiyane meekhazi a emaani vakatthi wa ojuwa wooshi wa otule anikhuweliyeeyo, khwa siifwa yawe mweenyewe na okemaani.

Meepereewu 10:36

Mweeyo mwinhithajiya wiiyana nthiti, yoori amana mwiretta etile yiiyiye ya matakhelo a Nluku, mwipokhere etile ahitiyeeyo.

Luuka 21:19

Muuvilela weenu phi mwinttelaamo othokorela nafusi yenu.”

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

1 Akorintiyu 9:25

Ooshi apale anchiraanaaye aniiyana wakathi woojitthenkeza wookhomaalavo, yoori apatthe jarata eniishaaye; ila fweeyo ninretta yoori nipatthe jarata yookhomaala khwa mileele.

Tiitu 2:2

Owaasomise alume awuuluvala yoori eeye atthu oojiitthaaza, ooshitaheya, aakhili, na okhomaala nkatthi wa amini, mpheta na oovilela.

Akaalata 5:23

ojipushuwisa na ojishintta omweenyewe. Khwa vitthu epo khayiivo hatha kano.

Othoonyeziwa 14:12

Ntthi nthiti la attakatthiifu anshututelaaye oruma wa Nluku na anaamineyaaye khwa Yinsa.

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

Tiitu 1:8

Ila ona yawiiya ntthu woomakeleya, swaahipu wa zooshapweya, wawiitthaala, nashariya, wa akhili, woosuluheya, wonshututela Nluku, woojikheeti mweenyewe

1 Atizaloonika 1:3

Ninfikhiri woohilikheleli omaasho wa Nluku eetthu Paapa, maana mweeyo mwinthoonyeza amini entanaaye khaazi, ojilipisa onlankhaaye khwa pheta na nthiti lintaaye khwa onroromela Mbwana eetthu Yinsa Al-Masiihu.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

Arooma 8:25

Ila amana niwejaka etile nihinoonaaye, ninweja na ovilela.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Khaazi 24:25

Ila wakathi Paawulu aaziyeevo ottakhula monkoni wa ohaayi wa shariya, ojishintta omwenyeweru na siikhu ya ophukiwa, Feelishi khwiiya wawoova na khuri: “Paasi! Saruwa, amana kuutakha kintta wuukhuwela theenya.”

Luuka 8:15

Peewu epi zaakweliiye vanshaka wooshapweya, zinlikanisaniwa atthu apale ansiilaaye nttakhuzi la Nluku khuthokorela nroho mwaya khushututela na ovilela, apo aniima mishumo zooshapweya.

Arooma 15:4

Maana zooshi zaatikhiweeyo asulani zaatikhiwa yoori enisomise, khwa nanna, yoori khwa nthiti na olipiseliwa onlankhaaye Zawaatikhiwa Ttakatthiifu elipisele nroromelo eetthu.

Othoonyeziwa 13:10

Nkhama ntthu onttela ofukeliwa, ofukeliwa onlawa, nkhama ntthu onulaaniwa phanka, na phanka onulaaniwa. Nthiti na waamineya wa attakatthiifu ori apha.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

2 Pheeturu 3:11

Maana vitthu zooshi zinteela wiiya etthiipo zootapanyiwa, mweeyo mwinhithajiya wiiya atthu a nanna ni? Mwina ya wiikhala khwa nanna ttakatthiifu na ya emaani,

Meepereewu 6:15

Yaarettikhaniye etthiipo, paata ya Eburahiima owejela na ovilela, khweele ye aapatthiye etile ahitiweeyo.

Meepereewu 6:12

yoori mwihiiye nkhama atthu ooviliwa, ila mwiweezele apale khwa amini na ovilela apwekhereliyeeyo erathi etile Nluku ahitiyeeyo.

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

2 Timootiyu 3:5

ariinaaye wuuso wa omuumini, ila ankatthalaaye owahi waya opo. Ojiphakulane apo aya.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

1 Timootiyu 6:6

Weekhweele, tiini enreelisa channu khwa atthu apale amfurahelaaye epile ariinaazo.

1 Timootiyu 6:3

Nkhama ntthu onsomisa mwentto woofwarikhana ohinkholananaaye na mattakhuzi oolikana a Mbwana eetthu Yinsa Al-Masiihu mwentto wa emaani,

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 2:10

oshapweya waya wiiye wa khaazi zooshapweya nkhama aakha animwaaputwaaye Nluku.

1 Timootiyu 2:2

Mwiwaalompele afwalume na attunkhulu ooshi apale ariinaaye yenzi yoori fweeyo niiyane meekhazi a wiitthaala, a heeri, emaani na hishima khuluyeene.

2 Atizaloonika 3:5

Yoori Mbwana eettettise rooho zenu mweeyo khwa pheta ya Nluku na nthiti khwa Al-Masiihu.

2 Atizaloonika 1:4

Khwa ethiito fweeyo ninjittitthimisa khwa mweeyo vakatthi wa ojama nkina wa Nluku khwa nthiti na amini mwithonyeziyeeyo mweeyo muulupatthiwa na mwivilelaka miswipa.

Mwanzo 5:24

Enookhi eettetta na Nluku. Ye khwaashikha, maana eettiye ophaziwa ti Nluku.