2 Pheeturu 1:17 - Hapari Zooshapweya

¹⁷ Ye apwekhera, khwa phantte ya Papaawe Nluku, shitaha na siifwa ya pinkuuni, khusiila huula ya ottitthima nwulweene eraka: “Otu Mwanaka wompheta, na wookituvela channu!”

2 Pheeturu 1:17 Referans Kwoze

Maaruku 9:7

Elottelanaka khupuwa liwiku khuwaafinikha, nttumpho khupuwamo huula yaari oraaye: “Otu Mwanaka wompheta; mwinsiileze.”

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Luuka 3:22

Rooho Ttakatthiifu khumwiishukhela nkhama jiwa. Khusiileya huula yoolankha pinkuuni eraka: “Weeyo o mwanaka wa wuupheta, na wookituvela channu.”

Maaruku 1:11

Aphano khuta huula pinkuuni elupaka yoori: “Weeyo o Mwanaka wa wuupheta, na wookituvela channu.”

Matewuzhu 12:18

“Otu ari apha karumeya aka, kinthawuliyeeyo, mphetani aka, anfurahisaaye Rooho yaka, kanpwehela nafusi yaka, ye onteela olaleya ophukiwa wa atthu ooshi.

Yaahaya 3:35

Paapa onimpheta Mwanawe na zooshi attha mmakhono mwawe.

Yaahaya 5:26

Nkhama etthiipo Paapa eeyiyeeyo mweenyewe ohaayi, amwinkha mwanawe wiiya mweenyewe ohaayi,

2 Yaahaya 1:3

Rehema, tthakaraka na heeri ya phantte ya Nluku Paapa na ya Yinsa Al-Masiihu, Mwanawe, enttela wiiya vamote na fweeyo khwa haakhi na pheta.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

2 Akorintiyu 1:3

Attitthimisiwe Nluku na Paapa wa Mbwana eetthu Yinsa Al-Masiihu, Paapa wa tthakaraka na Nluku wa ozuru wooshi,

2 Akorintiyu 11:31

Nluku na Paapa wa Mbwana eetthu Yinsa, woottitthimisiwa khwa mileele, onjuwa yoori akintta ohata.

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Yaahaya 6:39

Matakhelo a otule akirumiyeeyo pi apa: ahikaashikhe hatha mmote wa otule akinkhiyeeyo, ila miiyo kinsisimule siikhu ya mwiisho.

Yaahaya 20:17

Yinsa khulupa yoori: “Ohikikholele, maana nalelo akinarutele wa Paapa. Olawe vakatthi wa attwiizaku wawooze yoori: ‘Miiyo kintta orutela wa Paapa na Papeenu mweeyo, wa Nluku aka na Nluku weenu mweeyo.’ ”

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 10:15

etthiipo Paapa anikijuwaaye na miiyo kininjuwa Paapa; na kininkha ohaayi aka pwittipwitthi zaka.

Matewuzhu 17:3

Wakathi otthuupule khupuwa Munsa na Aliyaasi omaasho waya, khusala attakhulana Yinsa.

Yaahaya 14:11

Mwikikhupali miiyo amana kilupa yoori kiri khwa Paapa na Paapa ori khwa miiyo; ama nenkawu mwikikhupali mwaasa wa khaazi epi kinkholaazo.

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Arooma 15:6

yoori khwa rooho moote paasi na huula moote mweeyo mwinttitthimise Nluku na Paapa wa Mbwana eetthu Yinsa Al-Masiihu.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Yaahaya 5:20

Maana Paapa onimpheta Mwaana na oninthonyeza zooshi anrettaazo, onteela onthoonyeza khaazi kiina zooziti epi yoori mweeyo mwishanke.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.