2 Akorintiyu 8:9 - Hapari Zooshapweya

⁹ Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

2 Akorintiyu 8:9 Referans Kwoze

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

2 Akorintiyu 13:14

Rehema ya Mbwana Yinsa Al-Masiihu, pheta ya Nluku na osiilana wa Rooho Ttakatthiifu wiiye vamote na mooshi mweeyo.

Luuka 16:11

Nkhama khamwaamineyeeni na maali zohiiyi za shariya, paani anttelaaye owaaminini khwa maali zookhweele?

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

Luuka 9:58

Yinsa khunjipu araka: “Ananthala anaaye maphotto aya, anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

Othoonyeziwa 3:18

Kinuulakani yoori: mwikuuzanyane miiyo weero swaafi yoofuliwa va moottho yoori mwireele; na kuwo zoolakala mwiwale yoori ehisaruwe haaya ya owaazu enu; na muuzanye thiipa mwivaaze maasho enu yoori mwipatthe woona.

Ayeefezu 3:19

na ojuwa pheta ya Al-Masiihu, enzitaaye ojuwa wooshi, yoori awiitaaleni Nluku saaneene.

1 Akorintiyu 1:4

Wakhula wakathi kininshukhurwela Nluku mwaasa wa rehema yawe awinkhiyeenini mweeyo khwa Yinsa Al-Masiihu.

Luuka 2:7

Khumpattha mwaana wa omwanzo awe, khumputaputela va kuwo, khunttattikhela nkashothi zaari ojaamo nyama, mwaasa yoori khaarina puuro yoomaka.

Yaahaya 16:15

Zooshi Paapa ariinaaye pi zaka, tiito kilupiyeeyo yoori Rooho Ttakatthiifu nka epokheraka etile yiiyiye yaka na owuuzani mweeyo.

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Yaahaya 1:10

Nttakhuzi laari voolumwenku na olumwenku wompiwa ti ye, ila olumwenku khuhinjuwi.

Matewuzhu 8:20

Yinsa khunjipu araka: “Ananthala anaaye maphotto aya anyannyi anaaye vijaaro zaya, ila Mwaana wa Pinaatamu khana vahali woovumulisavo eeshwa yawe.”

Othoonyeziwa 21:7

Otule anshinttaaye onteela orithi zooshi epi, na miiyo kinttela wiiya Nluku awe na ye onttela wiiya mwanaka.

1 Akorintiyu 15:47

Pinaatamu wamwanzo aari wa ottophe wa vathi; pinaatamu wa phiiri ari wa pinkuuni.

Arooma 11:12

Ila, nkhama ovonya waya onthoonyeza maali khwa olumwenku, na otteettheya waya maali khwa amalapo, khitepeeni othoonyeza waatta amana aretta zoolikana!

Yaahaya 17:19

Khwa zwaamu yaya kinjittakatthisa miiyo, yoori na yo attakatthe khwa haakhi.

Yaahaya 12:30

Yinsa khulupa yoori: “Huula eto khiteeni mwaasa wa miiyo yata mwaasa wa mweeyo.

Maaruku 6:3

Khahiyo kalapinteero otu, mwaana wa Mariyamu, ttwiiye Tiyaaku, Yuusufu, Yuuda na Simawu! Alupuwe khari nttumphu!” Khusala ajoona oveyisiwa ti ye.

Matewuzhu 17:27

Ila yoori nihiweephirise, olawe mpahari wamweese nanjoolo awo. Swi ethiito ya mwanzo onttelaaye olowa, ofunule milomo zaya, ontta osikanamo nzurukhu mmote. Aphano olawe wariphe lumpuru laka na lawo.”

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Luuka 8:3

Zhuwaana muukha wa Kuuza, nsatoro wa vaje wa Herooti, Suzaana na aakha akinoko aari ontthanttaaye Yinsa na vitthu zaya vamote na anakhiyoni awe.

Arooma 15:3

Maana theenya Al-Masiihu khajituveliseeni mweenyeweru, ila nkhama yaatikhiweezo yoori: “Mattukhano a apale anuuttukhanaaye akikwela miiyo.”

Othoonyeziwa 2:9

Kinjuwa tafwawuthi zaya na osikhini aya, ila mweeyo mwaamathaajiri! Kinjuwa okufuru wa apale anjiitthaaye yoori mayaahuuti ila ahiiyeeni, yo sinakooka ya Epiliisi.