2 Akorintiyu 7:11 - Hapari Zooshapweya

¹¹ Moone, huzuni eti ya Nluku, etthu etaniyeeyo khwa mweeyo: ojinkha, nswamaha, ojiinanela, woova, onukheliwa, tafwawuthi, niiya ya woona erettiwe vitthu za shariya! Khwa mooshi mweeyo mwajithoonyeza wiiya oohiretti hatha etthu monkoni wa vitthu epo.

2 Akorintiyu 7:11 Referans Kwoze

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

2 Akorintiyu 7:7

khahiyo ota wawe paasi, ila theenya khwa ozuru mweeyo mwinretteliyeeyo. Ye anuuza onukheliwa, huzuni na oshukulikha weenu khwa miiyo, khwa nanna furaha yaka ezitiyeeyo weekezeleya.

1 Akorintiyu 5:13

Nluku ti aniwaaphukaaye apale ari oje. Mwiweekare anamaretta zootakhala vakatthi venu.

Othoonyeziwa 3:19

Miiyo kiniwaashowera na kiniwaalikhisa apale kiniwaaphetaaye. Tiito, mwijipayini na mwithupwiye.

Yuuda 1:23

akina aya mwiwoosuru, mwiweephulaka vamoottho; apo akina aya, owaathonyeze tthakaraka na woova, ewiiphiraka mpakha kuwo epile zookwakhulisiwa pi onaatamu.

1 Pheeturu 2:2

Nkhama aana atteetthe, mwihithajiye leethi swaafi ttakatthiifu la nroho, yoori khwa nttinttho mwiwulele nusura,

1 Pheeturu 1:17

Amana mwilompaka mwininkhuwela Paapa, otule amphukaaye sawasawa khaazi ya wakhula ntthu, mwinshitahi ye khwa ohaayi enu va olumwenku apha.

Meepereewu 4:1

Nakataalikha, ahiti ya ofiya puuro ya ovumula ya Nluku nalikheliwa. Ahiiyevo mmote wa mweeyo anuupuwelaaye yoori avonya.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Ayeefezu 5:11

Mwihijivuluwelise nkhaazi zihiniiyanaaye mishumo, khaazi zaya epo za n'yiiza mwitiise nnuuru.

Ayeefezu 4:26

Mwikatipukhe, ila mwihikose, owiisheleni okatipukha waya opo njuwa lihinatupweele.

2 Akorintiyu 13:7

Nilompe ninvekelaka Nluku yoori mweeyo mwihirette hatha etthu yootakhala. Khahiyo yoori atthu akina anoone yoori ahinikatthale, ila yoori mweeyo mwirette etthu yoolotteya, hatha nkhama nalattanana atthu ookatthaliwa.

2 Akorintiyu 9:2

Maana kinjuwa ojilaza weenu khwa waawuni. Miiyo kawaathoonyeza a Masetooniya ojishashawula kiriina khwa mweeyo, kiwoozaka yoori, waaza mwaakhajana, mweeyo atthu Akaaya mwaari woolikana khwa oshokholeza. Ojinkha weenu wawaalipisela atthu awaatta a Masetooniya.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

2 Akorintiyu 2:6

Hukhumu enkhiweeyo ti atthu enki entosheleza.

1 Akorintiyu 12:25

yoori ohiiyevo waawanyeya khwa mwiili, ila yoori kifunko zooshi ziiyane otthanttana sawasawa kiina na nzaaya.

1 Akorintiyu 5:2

Na mweeyo mwintta ojikhutupula! Nakataalikha, khamwaarina ya wiitaala huzuni na omwiikara vakatthi venu otule anrettaaye vitthu zaya epo?

Arooma 11:20

Yalikana. Yo zashijiwa mwaasa woohikhupali, weeyo nalelo wiiye wookhomaala mwaasa wa amini. Aphano ohijikhutupule ila woove.

Khaazi 17:16

Paawulu aari Ateena ottuukhule nalelo anwejaka Siila na Timootiyu, rooho yawe khwiiya yoonyonyeya mwaasa wawoona sitati etile yooshi yitaaliye sanamu.

Yaahaya 2:17

Aphano anakhiyoni awe khuupuwela Zawaatikhiwa Ttakatthiifu enraaye: “Ojilipisana waka nyuupa yawo, Oo Nluku, onlukuzela nkatthi mwaka nkhama moottho.”

Maaruku 3:5

Yinsa khusala aweekesa ari wookatipukha na khuhituveliwi mwaasa wa wuuma rooho zaya na khumuuza mwinyi otule yoori: “Wookole nkhono awo.” Ye khookola nkhono awe na khwiiya woovonisiwa.

2 Akorintiyu 7:9

Aphano miiyo kiwoofurahi, khahiyo mwaasa wa mweeyo ohuzunikha, ila mwaasa yoori ohuzunikhisiwa woopatthisani othupwiya, maana mweeyo mwahuzunikha khwa nanna Nluku aari otakhaaye, na khamwitulumwiweeni mwaasa wa fweeyo.

Arooma 3:5

Ila, nkhama ohiina shariya weetthu onthoonyeza khwa nanna ya wooneya channu shariya ya Nluku, ninttela olupa ni? Yoori Nluku ti wohiina shariya khwa weettettisa katapu yawe? Kinrumeyela mattakhuzi oonaatamu.

1 Atizaloonika 4:6

Khwa vitthu zaya epo, ahiiyevo animoonisaaye olwaaza ttwiiye wala ahinttettekhe. Mbwana onteela ohukhumu zoorettiwa zaya epo, nkhama etthiipo naalupiyeezo na khuuchimulelani.

1 Timootiyu 5:20

Wakhula otule anrettaaye twampi onshowere vakatthi wa ojama wa Nluku yoori theenya apale akina aya oove.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.