2 Akorintiyu 6:4 - Hapari Zooshapweya

⁴ Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

2 Akorintiyu 6:4 Referans Kwoze

2 Akorintiyu 12:10

Tiito khwa pheta ya Al-Masiihu, kinfurahi muutteettheya mwaka, muuttukhaniwa, ntafwawuthi, muulupatthiwa na muuthunku. Amana kiiya woottettheya ti kiniiyaaye wookhomaala.

2 Akorintiyu 4:8

Khwa phantte zooshi, ennipattha miswipa, ila khuhitteettheyi, khwiiya wooshanka, ila khuhinashikhi nroromelo;

2 Akorintiyu 11:27

Kaakholiye khaazi yoolipa. Swaafu za waatta woohilali, wookholiwa ti jala na nnyottha na swaafu za waatta yaari okisaleela nyuupa, etthu yoojiwa na kuwo.

2 Akorintiyu 12:12

Maana thalaapa za owaaswihaapa zathoonyeziwa vakatthi venu, na nthiti looshi, alama, vitthu zootikinisa na owahi wa minjuza.

2 Akorintiyu 3:6

Ye aninkha makhaamu a wiiya awaziri a osiilana mpheya, ohiiyi a kano, ila a rooho; maana kano enuula, ila Rooho ya Nluku eninkha ohaayi.

1 Akorintiyu 3:5

Amajaali, Paawulu paani? Wala Apoolu paani? Yo akarumeya vakatthi wa atthaapo mweeyo mwifiyeleliyeeyo okhupali, khwa khaazi etile Nluku amwinkhiyeeyo wakhula mmote.

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

1 Akorintiyu 4:1

Nakataalikha, mweeyo mooshi mwinoone wiiya akarumeya a Al-Masiihu, eeyiyeeyo anamalikheliwa weettettisa shawuri ya siiri za Nluku.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

2 Timootiyu 4:5

Ila weeyo ojithuze khwa wakhula etthu, ovilele ohoowa, okhole khaazi ya onamalaleya okhole sawasawa khaazi Nluku awinkhiyeeyo.

2 Timootiyu 2:24

Karumeya wa Mbwana khana ya wuumana, ila wiiya ntthu woosilaneya khwa atthu ooshi, wookhitiri osomisa na woovilela.

2 Timootiyu 1:8

Nakataalikha, ehuupatthiseni haaya onlawela oshaahiti Mbwana, wala khwa miiyo, kiiyiye napherezu awe, ila ohoowe vamote na miiyo mwaasa wa hapari zooshapweya khwa owahi wa Nluku.

1 Timootiyu 6:11

Ila weeyo, ntthu wa Nluku, vitthu zaya epo owerawere. Weekese weettettisa shariya, emaani, epaata, pheta, ovilela na ojithuza.

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

1 Timootiyu 2:15

Apho, aakha hatha nkhama awaapattha aana, anuusurukha eeyaru nkatthi wa epaata na pheta, na ottakatthifu na hishima.

1 Atizaloonika 5:14

Ninuutumerelani mweeyo attwiizetthu, yoori mwiwaahirimize anamaviliwa, mwiwaalipisele apale ooshokhera, na mwiwaawuni apale ootteettheya, mwiwaavilele atthu ooshi.

1 Atizaloonika 3:7

Tiito attwiizetthu, mattakhuzi apa monkoni wa amini yenu aretteya wiiya nlipiselo nwulweene khwa tafwawuthi na ohoowa weetthu.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

2 Akorintiyu 11:9

Wakathi kaari vakatthi venu waakipatthiye othowiwa, akanvelavelisiye hatha ntthu, maana attwi wakathi arutiyeevo Masetooniya aakinkhiye epile zaakisaleliyeeyo. Karetta zooshi epo yoori kihuulemeleni mweeyo, na kinrutela oretta etthiipo.

2 Akorintiyu 7:11

Moone, huzuni eti ya Nluku, etthu etaniyeeyo khwa mweeyo: ojinkha, nswamaha, ojiinanela, woova, onukheliwa, tafwawuthi, niiya ya woona erettiwe vitthu za shariya! Khwa mooshi mweeyo mwajithoonyeza wiiya oohiretti hatha etthu monkoni wa vitthu epo.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

1 Akorintiyu 9:11

Fweeyo vakatthi venu nkhama nazalavo vitthu ttakatthiifu, khayaari otepa wuurula khwa mweeyo vitthu za maali?

Arooma 16:10

Salamu Apeleeshi, woohakikhiwa khwa Al-Masiihu. Salamu atthu a owawe Arishitopoolu.

Arooma 14:18

Otule aninrumeyelaaye etthiipo Al-Masiihu, Nluku ti wontuvela na oniiya woohakikhiwa pi anaatamu.

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Khaazi 20:34

Mweeyo mwinjuwa yoori miiyo kakhola khaazi na makhono aka yoori kiishishe othowiwa waka na wa ashirikhaaka.

Khaazi 9:16

Kinlawa kanthoonyeze Sawulu nanna anttelaaye ohoowa mwaasa wa nzina laka.”

Khaazi 2:22

“Mweeyo, atthu a Ezirayiilu, mwisiileze mattakhuzi apa: Yinsa wa Nazareeti, ahakikhiwa ti Nluku vakatthi venu mweeyo khwa alama zawaatta na minjuza, etthiipo Nluku mweenyeweene arettiyeezo khwa ye vakatthi venu mweeyo nkhama etthiipo mwinjuwaazo.

Luuka 21:19

Muuvilela weenu phi mwinttelaamo othokorela nafusi yenu.”

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Arooma 3:5

Ila, nkhama ohiina shariya weetthu onthoonyeza khwa nanna ya wooneya channu shariya ya Nluku, ninttela olupa ni? Yoori Nluku ti wohiina shariya khwa weettettisa katapu yawe? Kinrumeyela mattakhuzi oonaatamu.