2 Akorintiyu 5:11 - Hapari Zooshapweya

¹¹ Nkhama etthiipo nijuwiyeezo omoova Mbwana, nineekesa owaatumerela atthu. Etile fweeyo niiyiyeeyo yathoonyezeya omaasho wa Nluku, na kinwejela theenya yoori ethoonyezeye nkatthi wa akhili zenu.

2 Akorintiyu 5:11 Referans Kwoze

Yuuda 1:23

akina aya mwiwoosuru, mwiweephulaka vamoottho; apo akina aya, owaathonyeze tthakaraka na woova, ewiiphiraka mpakha kuwo epile zookwakhulisiwa pi onaatamu.

Meepereewu 10:31

Etthu ya woopisa okwamo mmakhono wa Nluku wa ohaayi!

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

2 Akorintiyu 5:20

Nakataalikha, fweeyo na nthoonyezo wa Al-Masiihu, nkhama Nluku anhirimizaaaye anirumeyelaka fweeyo. Khwa pheta ya Al-Masiihu, mwijisiilanisane Nluku.

Khaazi 18:13

Khusala alupa yoori: “Otu ontakha owaathowelelisa atthu omwaaputu Nluku woohiiyi khwa nanna enlupaazo kano.”

Luuka 12:5

Ila miiyo kinuuthoonyezani paani wa omoova: mwimoove Nluku, otule paata ya wuula mwiili, ariina owahi wa weeselela motthooni. Oto ti mwiriina ya omoova.

Akaalata 1:10

Nasaapi eti miiyo kineekesa okhupaliwa ti anaatamu ama ti Nluku? Eriwaka kaari weekesa owaatuvelisa anaatamu, akaari wiiya karumeya wa Al-Masiihu.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

Khaazi 28:23

Khusiilana orutela okutthana na Paawulu siikhu kiina, khulokotthelana khuntti yene khusala alawa owawe. Waaza supu yooshi mpakha njuwa oveva eettaka owaanozela na alazaka oshaahiti wa ofwalume wa Nluku, eekesaka owaashintta monkoni wa Yinsa, nkatthi wa kano za Munsa na za manapiyu.

Khaazi 26:26

Mattakhuzi aya apa ooshi mfwalume onjuwa, kinwahi omuuza saaneene maana khina moote erettikhaniyeeyo vahali woojiviteyavo.

Khaazi 19:26

Ila mwinoona na mwinsiila khahiyo Eefezu eti paasi, ila Aaziya yooshi Paawulu otu onlaza mattakhuzi oovonyeya awaashittanaka atthu yoori awaathowelelise awoozaka yoori miluku zawaattaliwa pi makhono a enaatamu khina fwayita.

Khaazi 18:4

Wakhula saapatu aari weettaka nsinakooka khusala awaashintta mayaahuuti na makereeku.

Khaazi 13:43

Paata ya wiisha nkutthaano, mayaahuuti awaatta na atthu akina asilimweliye oyaahuuti khusala anlotta Paawulu na Baranabe. Yo khusala awaalipisela awoozaka yoori ajilipesena rehema ya Nluku.

Luuka 16:31

“Eburahiima khujipu yoori: ‘Ahisiileziru kano za Munsa na za manapiyu, hatha nkhama ntthu eetta osisimuwa muufwa, yo khanteela onkhupalela.’ ”

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Matewuzhu 10:28

Mwihiwoove apale anuulaaye mwiili, ahina owahi wa wuula nafusi. Khapula mwimoove otule anwahaaye otapanya mwiili na nafusi khweeselela motthooni.

Mwanzo 35:5

Wakathi yo alankhiyeevo alawaka, Nluku khuwaapatthisa woova atthu a sitati epile aattamananiyeezo, mphule aari oviraamo, khuhiweekarisi aana a Yaakhumpa.

Ayeefezu 5:21

Mwisala mwishututelana wakhula ntthu na nzaawe mwaasa wa shitaha mwiriinaaye na Al-Masiihu.

Meepereewu 12:29

maana Nluku ori nkhama moottho wooharipu.