2 Akorintiyu 4:6 - Hapari Zooshapweya

⁶ Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

2 Akorintiyu 4:6 Referans Kwoze

Mwanzo 1:3

Aphano Nluku khuri: “Yiiyevo nuuru!” Khwiiyavo nuuru.

1 Pheeturu 2:9

Nakataalikha, mweeyo mwa peewu yoothawuliwa, onamalokozela wa tiini wa mfwalume, khapila ttakatthiifu, atthu mwiiyiyeeyo a Nluku, yoori mwilaleye owula wa otule ookhuweliyeenini n'yiiza khuutthaani nnuuru mwawe wooshwapweyamo.

2 Pheeturu 1:19

Etthiipo, nalelo theenya ninaaye olipalipa khwa nttakhuzi la manapiyu, na mweeyo mwinretta saana amana mwisiileza, nkhama khantteya enmwasikhelaaye vahali wooripavo mpakha ocha, na phuluvulu omwasikhela nroho mweenu.

Ayeefezu 5:8

Maana raku mwaari atthu a n'yiiza, ila aphano mwa nuuru khwa Mbwana. Meekhazi enu eeye nkhama aana a nnuuru.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

Yaahaya 11:40

Yinsa khunjipu yoori: “Akaawuuziye yoori amana okhupali ontta woona siifwa ya Nluku?”

Akoloosu 1:15

Ye ratarato ya Nluku woohooneyi, omwanzo wa vitthu zooshi za wumpiwa.

Ayeefezu 1:17

Kininvekela Nluku wa Mbwana eetthu Yinsa Al-Masiihu, Paapa wa siifwa, yoori awinkheni rooho ya akhili na yoothonyeziwa khwa onjuwa waya saaneene,

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

Afiliipu 2:6

Eeyiyeru pure Nluku, khuhijooni wiiya sawasawa na Nluku yaari etthu aari otakhaaye okholelela,

Yaahaya 12:41

Ezaaya aalupiye mattakhuzi apa maana ooniye siifwa ya Yinsa na khulupa monkoni wa ye.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

1 Akorintiyu 12:8

Khwa Rooho mmote, oninkhiwa mattakhuzi aakhili; khwa Rooho ethiito, mattakhuzi oojuwa;

2 Akorintiyu 2:10

Na amana mweeyo mwinswaamihi ntthu, na miiyo theenya kintta onswaamihi; na nkhama ewaapho etthu ya oswaamihi, kaswaamihi enakatthi ya Al-Masiihu mwaasa wa wuuphetani mweeyo,

Ayeefezu 1:18

kinveka yoori Nluku afukule rooho zenu yoori moone nuuru yawe na mwijuwe maali za siifwa yawe, nroromelo opule ookhuweleliyeenini. Theenya yoori mwijuwe nanna ziiyiyeezo zooshapweya parakha awaahitiyeeyo attakatthiifu awe,

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

Meepereewu 6:4

Moone khinwaheya, khwa apale swaafu moote amwasikheliweeyo na khootela tthuvo ya pinkuuni, khupwekhera Rooho Ttakatthiifu,