2 Akorintiyu 2:7 - Hapari Zooshapweya

⁷ Olikha toowo, aphano mweeyo mwina ya onswaamihi na onzuru, yoori ye ahihuzunikhe channu.

2 Akorintiyu 2:7 Referans Kwoze

Ayeefezu 4:32

Mwiiyane emaani na azeenu, ovilelana mmote na nzeenu, oswaamihana nkhama etthiipo Nluku ooswamihiyeenini khwa Al-Masiihu.

Akoloosu 3:13

Mwivilelane mmote na nzeenu, mwiswaamihane mmote na nzeenu amana ntthu eeyana nlattu na nzaawe. Nkhama etthiipo Mbwana oswaamihiyeeni, etthiipo theenya mwiswaamihane.

2 Atizaloonika 3:6

Attwi, khwa nzina la Mbwana eetthu Yinsa Al-Masiihu fweeyo ninuurumani yoori mwinwerawere wakhula ttwi aneettettaaye woovonyeyavo woohiiyi khwa mwentto opule mweeyo mpwekhereliyeeyo khwa fweeyo.

1 Atizaloonika 4:13

Attwiizetthu, khanintakha yoori mweeyo mwitikhine khwa apale afwiiyeeyo, yoori mwihiiye ohuzunikha nkhama akina apale ahina nroromelo.

Afiliipu 2:27

Weekhweele ye aari nlwele, aasaleliye ofwa. Ila Nluku khwiiyana huruma naye, khahiyo ye otthwe, ila na miiyo theenya, yoori kihiiyane huzuni vatulu wa huzuni.

2 Akorintiyu 7:10

Maana huzuni anrumeyelaaye Nluku entana othupwiya onnilawanaaye nnusura, khwa ethiito khayiivo kiiswa ya ntthu okhanyarela wiiya woohuzunikha. Ila huzuni ya voolumwenku apha entana ofwa.

2 Akorintiyu 5:4

Amana niikhalaka nyuupa ethiiti, wiiyiyeeyo mwiili eetthu, ninsisimira woovelavelavo. Khahiyo yoori nintakha wiiya wootaphuliwa mwiili eetthu wa enaatamu, ila nintakha yoori nipwekherele mwiili wa pinkuuni yoori ohaayi orette etile enfwaaye wiiya ya waashikha.

1 Akorintiyu 15:54

Nakataalikha, enhithajiya etile yootapwateleya ewala etile ehintapwateleyaaye, na etile enfwaaye ewale etile ehinfwaaye, apho linttela omariseliwa nttakhuzi laatikhiweeyo yoori: “Ofwa watapanyiwa ti oshintta!”

2 Akorintiyu 2:8

Nakataalikha, miiyo kinuuvekelani yoori mwithoonyeze pheta yenu mwiriina khwa ye.