2 Akorintiyu 12:9 - Hapari Zooshapweya

⁹ Ila ye khukuuza yoori: “Rehema yaka entosheleza khwa weeyo, maana owahi waka onkamilikha muutteettheya.” Nakataalikha, miiyo kinjishashawula saaneene wa wafurahavo khwa otteettheya waka, yoori owahi wa Al-Masiihu ovumule khwa miiyo.

2 Akorintiyu 12:9 Referans Kwoze

Afiliipu 4:13

Kinwahi oretta zooshi khwa otule anikikhomaazaaye.

2 Akorintiyu 12:10

Tiito khwa pheta ya Al-Masiihu, kinfurahi muutteettheya mwaka, muuttukhaniwa, ntafwawuthi, muulupatthiwa na muuthunku. Amana kiiya woottettheya ti kiniiyaaye wookhomaala.

Ayeefezu 3:16

Yoori khwa maali za siifwa, awinkheni wiiya ookhomaaziwa nkatthi wa nroho mweenu na owahi wa kuvu wa Rooho Ttakatthiifu.

1 Akorintiyu 10:13

Ozayiniwa wuupatthiyeenini mweeyo pi otthuupo oniwapatthaaye atthu ooshi. Na Nluku ti wa waamineya; ye khanteela olikhelela yoori mweeyo mwiiye ozayiniwa khwa khiima ya ohiwahi ovilela. Ila amana mwizayiniwaka, ye oniwinkhani nanna ya kiphenyo yoori mweeyo mwiwahi ovilela.

Meepereewu 4:16

Apho naattame khukulu ya rehema na nroromelo wooshi, yoori nipwekhere tthakaraka na napatthe rehema ya onaawuni wakathi woohithajiya.

2 Akorintiyu 12:5

Khwa mwinyi othuuto kinjishashawula, ila khahiyo khwa miiyo kimweenyewe, woohiiyi khwa otteettheya waka.

1 Akorintiyu 15:10

Ila khwa rehema ya Nluku, karetteya nanna eti kiriizo, na rehema yawe khwa miiyo khahiyo etthu yoohiina fwayita; khapulathi, kakhola khaazi channu zayita yo ooshi; khwa zooshi, khahiyo miiyo, ila rehema ya Nluku khwa miiyo.

1 Akorintiyu 2:5

yoori amini mwiriina ehiiye yoolankha khwa akhili za onaatamu, ila khwa owahi wa Nluku.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

2 Akorintiyu 11:30

Nkhama ewaapho swapwapu ya miiyo ojishashawula, aphano kinttela ojishashawula khwa vitthu zinthoonyezaaye otteettheya waka.

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

Meepereewu 11:34

azimisa ohusuti wa moottho na khuvirisa orere wa phanka, khupattha kuvu khwa otteettheya, khujiretta wiiya atthu oowahi khwa viittha na khuwaashintta anajanka eeletto.

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Matewuzhu 28:18

Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

2 Akorintiyu 12:15

Etthiipo khwa niiya yooshapweya, khwa pheta yenu mweeyo, kaari oharipu zooshi kiriina na ojikukhumula kimweenyewe. Mwaasa wa wuuphetani nakuvu, na mweeyo mwina ya okipheta.

1 Akorintiyu 2:3

Wakathi opule kaatiyeeyo wuuthotolani kaari woottettheya na othukumela khwa woova.

2 Akorintiyu 12:1

Enhithajiya miiyo ojishashawula khwa epo zaya. Hatha nkhama kintta ohipattheli etthu, kinteela olupa monkoni wa jozi na othoonyeza wa Mbwana.