2 Akorintiyu 12:2 - Hapari Zooshapweya

² Kininjuwa mwinyi mmote khwa Al-Masiihu, khwa nyaakha khumi na mine aweziweeyo pinku ya ttaatthu, nkhama zarettikhana mmwiili ama oje wa mwiili akijuweeni, Nluku ti anjuwaaye.

2 Akorintiyu 12:2 Referans Kwoze

Khaazi 22:17

Wakathi kiruteliyeevo Yeruzaleemu, keettaka olompa Nnyupa Woosifwiwamo, khukiteela jozi moote.

Othoonyeziwa 4:2

Nasaapiru khujoona kiri nkatthi wa Rooho Ttakatthiifu, na omaasho waka yaariwo khukulu pinkuuni na aphale vaya wiikhaliwevo.

1 Atizaloonika 4:17

Nawiisha, fweeyo ninttelaaye wiiya haayi, ninteela othuuliwa nilawaniwaka mmawiku vamote na atthaapo yoori nakutthanane Mbwana otulu. Etthiipo ninttela wiiya vamote na Mbwana mileele.

2 Akorintiyu 11:11

Mwaasa wa niini? Mwaasa wa ohuuphetini? Nluku onjuwa yoori kinuuphetani!

Othoonyeziwa 12:5

Aphano muukha khupattha ekumi, mwaana wa nlume, yoori alokozele khapila zooshi na puutta ya yuuma. Ila mwanawe aya otule khulawaniwa kharipu va khukulu ya Nluku.

Meepereewu 9:24

Maana Al-Masiihu khavireeni omwimpari waattaliwa pi makhono a atthu wiiyiye weezela wa mwimpari opule wookhweele; ye alawa pinkuuni, ojithoonyeza nasaapi mmakhono wa Nluku khwa zwaamu yeetthu.

Ayeefezu 4:10

Otule eeshukhiyeeyo ti othuuto aweliye otulu wa pinku yooshi yoori eetaazewo vitthu zooshi.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Akaalata 1:22

Akaari ojuwiwa kimweenyeweene pi ojama wa Nluku wa Yudeya waari onlottaaye Al-Masiihu.

2 Akorintiyu 5:17

Nakataalikha, amana ntthu eeya khwa Al-Masiihu, oniiya ntthu mpheya. Vitthu epile zaraku zavira; zooshi zaretteya opheeya!

Arooma 16:7

Salamu Antorooniku na Juuniya, ajaama zaku kaariina nkalapooso. Yo pi ooshitahiwa saaneene nkatthi wa maaswihaapa, na eeya anamalottela a Al-Masiihu khapulathi ya miiyo.

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Khaazi 14:6

Yo noosiila shawuri epile, khutthirela sitati ya Liishitera na Teerepe nkatthi wa nti wa Likayooniya na miti za waattamanana.

Yaahaya 6:56

Otule anrafunaaye mwiili aka na khunywa taamu yaka oto oniikhala khwa miiyo na miiyo khwa ye.

Luuka 24:51

Awaaparikhiyaka etthiipile, khuwaasusa khuweziwa pinkuuni.

Othoonyeziwa 1:10

Siikhu ya Mbwana khujoona kiri nkatthi wa Rooho Ttakatthiifu, khusiila huula yookhomaala nyuma waka, nkhama nlope,

2 Akorintiyu 13:5

Mwijinzaane yoori mwijoone nkhama mwiri nkatthi wa amini. Mwijoone mwamwenyewe! Ena ya oweeleyani yoori Yinsa ori khwa mweeyo! Ehiriwaka mweetta okatthaliwa!

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

Arooma 16:3

Salamu Pirisiila na Akiila, ashirikha aka nkatthi wa khaazi ya Yinsa Al-Masiihu.

Arooma 16:9

Salamu Urupaanu, nshirikha eetthu khwa khaazi ya Al-Masiihu, na mphetani aka ttwiiyaku Shitaakhisi.

Arooma 16:10

Salamu Apeleeshi, woohakikhiwa khwa Al-Masiihu. Salamu atthu a owawe Arishitopoolu.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.