2 Akorintiyu 12:10 - Hapari Zooshapweya

¹⁰ Tiito khwa pheta ya Al-Masiihu, kinfurahi muutteettheya mwaka, muuttukhaniwa, ntafwawuthi, muulupatthiwa na muuthunku. Amana kiiya woottettheya ti kiniiyaaye wookhomaala.

2 Akorintiyu 12:10 Referans Kwoze

2 Akorintiyu 12:9

Ila ye khukuuza yoori: “Rehema yaka entosheleza khwa weeyo, maana owahi waka onkamilikha muutteettheya.” Nakataalikha, miiyo kinjishashawula saaneene wa wafurahavo khwa otteettheya waka, yoori owahi wa Al-Masiihu ovumule khwa miiyo.

Ayeefezu 6:10

Omwiisho waya, mwiiye wookhomaala khwa Mbwana na kuvu za owahi nwulweene ariinaaye.

Arooma 5:3

Na khahiyo etthiipo paasi, ila theenya ninjittitthimisa mmiswipa, maana miswipa entana ovilela;

2 Akorintiyu 13:4

Maana wekhweele, aakhomeliwe khwa otteettheya, ila ori haayi khwa owahi wa Nluku. Khwa nanna etthiipo, na woottettheya khwa ye, ila khwa owahi wa Nluku ninteela wiikhalana ye yoori nuurumeyeleni mweeyo.

Tiyaaku 1:2

Attwiizaku, mwijoone wiiyana furaha khuluyeene amana mwivirela wakhula nanna ya wootootiwa,

2 Akorintiyu 6:4

Olikha toowo, nkhama akarumeya a Nluku, nintumerelana khwa wakhula nanna: nthiti venkivene, khwa ohoowa, tafwawuthi na huzuni,

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

2 Akorintiyu 13:9

Niniiya woofurahi wakhula wakathi nintteettheyaavo na mweeyo mwiniiya wookhomaala na lompa zeetthu pi za yoori mweeyo mwiiye oohakikhiwa.

2 Akorintiyu 1:4

annizurwaaye khwa miswipa zeetthu zooshi, yoori na fweeyo theenya niwahi owaazuru ooshi apale eniwaapatthaaye miswipa, na ozuru otthuupo fweeyo nizurwiweeyo ti Nluku.

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Yaahaya 15:21

Zooshi epo anlawa ooretteleni mweeyo, mwaasa wa nzina laka, maana khaninjuwa otule akirumiyeeyo.

1 Akorintiyu 4:10

Fweeyo na alolo mwaasa wa Al-Masiihu, ila mweeyo mwa akumi khwa Al-Masiihu! Fweeyo na woottettheya, ila mweeyo mwa wookhomaala! Mweeyo mwa wooshitahiwa, ila fweeyo na wootaraweya!

Othoonyeziwa 2:3

Mweeyo mwina nthiti na ovilela muuhoowa mwaasa wa nzina laka, na wala khamwikayireeni.

2 Akorintiyu 10:18

Maana khankhupaliwa otule anjikhupalaaye, ila otule ankhupaliwaaye ti Mbwana.

2 Atizaloonika 1:4

Khwa ethiito fweeyo ninjittitthimisa khwa mweeyo vakatthi wa ojama nkina wa Nluku khwa nthiti na amini mwithonyeziyeeyo mweeyo muulupatthiwa na mwivilelaka miswipa.

Afiliipu 1:29

Mweeyo mwenkhiwa ruhusa khahiyo paasi ya onkhupali Al-Masiihu ila theenya ohoowa mwaasa wa ye.

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

2 Akorintiyu 7:4

Kinaaye nroromelo nwulweene khwa mweeyo, na kinjishashawula saaneene khwa mweeyo; kiwoolipiseleya venkivene; furaha yaka eniittikha khwa miswipa zooshi.

2 Akorintiyu 4:5

Maana khaninjitafusiri fweeyo, ila ninintafusiri Yinsa Al-Masiihu Mbwana; fweeyo na akarumeya enu, mwaasa wa Yinsa.

2 Akorintiyu 5:20

Nakataalikha, fweeyo na nthoonyezo wa Al-Masiihu, nkhama Nluku anhirimizaaaye anirumeyelaka fweeyo. Khwa pheta ya Al-Masiihu, mwijisiilanisane Nluku.

2 Timootiyu 3:11

lupattha na ohoowa zikivireliyeeyo, vitthu zikirettikhaneliyeezo Antiyookiya, Ekooniyu na Liishitera. Swaafu kavi kivileliyeeyo lupattha! Ila khwa vitthu zooshi epo Mbwana akitaphula!