2 Akorintiyu 11:7 - Hapari Zooshapweya

⁷ Talili karetta twampi khwa ojipushuwisa yoori kuuwuliseni mweeyo, wuutafusirelani hapari zooshapweya za Nluku wooheekeseli hatha etthu?

2 Akorintiyu 11:7 Referans Kwoze

2 Akorintiyu 12:13

Nannani mweeyo mwizitiweeyo ti ojama wa Nluku nkinaaya? Ofwarikhana kiriina ti yoori miiyo akinveka yoori mweeyo mwikaawuni. Safwatali mwikiswaamihi koosa eto!

1 Atizaloonika 2:9

Attwiizetthu, weekhweele mweeyo mwinfikhiri khaazi yoolipa nikholiyeeyo woohishokheri vakatthi venu. Maana naari okhola osikhu na nthana, yoori nihimwantipu hatha ntthu wakathi naari olaleyaavo hapari zooshapweya za Nluku khwa mweeyo.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

1 Akorintiyu 9:6

Ama niri miiyo na Baranabe paasi ti nihina ruhusa ya winkhiwa etthu yoojiwa woohikholi khaazi?

2 Atizaloonika 3:8

Wala khanijeeni hatha etthu ya ntthu khuhiriphi. Olikha toowo, nakhola khaazi venkivene na oshokhera, osikhu na nthana, yoori nihiwantipuni mweeyo.

Khaazi 20:34

Mweeyo mwinjuwa yoori miiyo kakhola khaazi na makhono aka yoori kiishishe othowiwa waka na wa ashirikhaaka.

1 Akorintiyu 9:12

Nkhama akina ana ruhusa ya otthanttiwa ti mweeyo, fweeyo natepa wiiyana. Ila fweeyo khaninarumeyele ruhusa yaya eto. Olikha toowo, ninvilela zooshi yoori nihitane etthu yoottiyelela hapari za Al-Masiihu.

Khaazi 20:33

Miiyo akilazeleeni omaashokopho feeta, wala weero, ama kuwo zawatthu.

Arooma 1:1

Miiyo Paawulu, karumeya wa Yinsa Al-Masiihu, kakhuweliwa yoori kiiye aswihaapa, kithawuliweeyo yoori kilaleye hapari zooshapweya za Nluku,

2 Akorintiyu 2:12

Wakathi kifiyeevo Torowaati yoori kitafusiri hapari zooshapweya za Al-Masiihu, khoona yoori Mbwana akifukulela milako,

2 Akorintiyu 10:16

yoori nipatthe otafusiri hapari zooshapweya khwa miti epile ziri peetiwene na mweeyo. Woohijitayiti na khaazi epile ekholiweeyo miti za akinoko aya.