2 Akorintiyu 11:2 - Hapari Zooshapweya

² Niiya kiriina khwa mweeyo niiya enlankhaaye wa Nluku. Miiyo kawaahitini oraliwa ti nlume mmote paasi Al-Masiihu, kitakhaka wuuthoonyezani ye nkhama mwaari swaafi.

2 Akorintiyu 11:2 Referans Kwoze

Yaahaya 3:29

Namaposiwa ti wa namaposa. Swaahipu aninrumeyelaaye namaposa oninjali na onsiileza oniiya woofurahi amana asiila huula ya namaposa. Eto furaha yaka yookamilikha.

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Afiliipu 1:8

Shaahiti aka Nluku khwa nanna mwikinukheliyeezo, khwa pheta khuluyeene ya Al-Masiihu Yinsa.

Arooma 7:4

Apho attwiizaku, mweeyo theenya mwafwa khwa kano, vakatthi wa mwiili wa Al-Masiihu, yoori mwirette phantte ya nkina, opule osisimuwiyeeyo muufwa, yoori nipatthe wiiyana mishumo khwa Nluku.

2 Akorintiyu 4:14

Maana najuwa yoori otule ansisimuliyeeyo Mbwana Yinsa muufwa, theenya onlawa anisisimule na Yinsa na anithoonyeze vamote na mweeyo omaasho wawe.

1 Akorintiyu 4:15

Hatha nkhama mweetta wiiyana alufu khumi anamasomisa khwa Al-Masiihu, mweeyo khamwina apaapa awaatta, maana khwa Yinsa Al-Masiihu miiyo koovokolani khwa hapari zooshapweya.

Akaalata 4:11

Maana kinoova khwa mweeyo yoori khaazi kikholiyeeyo khina fwayita.

1 Atizaloonika 2:11

Maana mweeyo mwinjuwa yoori fweeyo nootthanttani wakhula mmote wa mweeyo nkhama paapa aniwaatthanttaazo aanaawe.

Othoonyeziwa 14:4

Apa pi apale ahiwaasapeeni aakha, maana eenaneliye omwari aya. Apo pi apale anlottaaye Pwittipwitthi wakhula aphale enttaavo. Oozanyiweeyo vakatthi wa anaatamu, khwiiya nkhama zaakha ya mwanzo mmakhono wa Nluku na khwa Pwittipwitthi.