2 Akorintiyu 10:7 - Hapari Zooshapweya

⁷ Mweeyo mwinoona vitthu oje waya paasi. Nkhama ntthu onkhupalela yoori ti wa Al-Masiihu, ona ya ojoona opheya mweenyewe yoori etthiipo eeyiyeeyo wa Al-Masiihu na fweeyo theenya na a Al-Masiihu.

2 Akorintiyu 10:7 Referans Kwoze

2 Akorintiyu 5:12

Khanineekesa ojitumerela opheya khwa mweeyo, ila niniwinkhani ruhusa ya ojishashawula khwa fweeyo, yoori mwiiyane etthu ya owaajipu apale anjikhupalanaaye oshapweya yohiiyi etile eriiye nroho mwaya.

1 Akorintiyu 14:37

Nkhama ntthu onjoona yoori napiyu ama ttakatthiifu, ona ya oojuwa yoori epi kiniwaatikhelaanini mweeyo oruma wa Mbwana.

2 Akorintiyu 11:23

Yo akarumeya a Al-Masiihu? Aphano ki woovevereya! Miiyo theenya kakhola khaazi channu. Kaafukeliwe swaafu zawaatta. Khujaphiwa nakuvu, swaafu zawaatta na khusala kisaleela ofwa.

Yaahaya 7:24

Mwihiphukane mwaasa woona nanna ariizo ntthu aya, ila mwisala mwiphukana khwa shariya.”

1 Yaahaya 4:6

Fweeyo ninlankha wa Nluku, otule aninjuwaaye Nluku onnisiileza. Otule ahinlankhaaye wa Nluku khannisiila. Khwa etthiipo ninjuwa Rooho ya haakhi na rooho yoovonya.

1 Akorintiyu 9:1

Weekhweele ki wootaphuliwa, ki aswihaapa na kamoona Yinsa Mbwana eetthu na mweeyo mwa fwayita a khaazi kikholiyeeyo khwa Mbwana.

1 Akorintiyu 3:23

na mweeyo mwa atthu a Al-Masiihu, na Al-Masiihu ti wa Nluku.

Akaalata 3:29

Na nkhama mwa a Al-Masiihu, mwa ojama wa Eburahiima na mwa anamarithi nkhama etthiipo yaahitiweezo.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

1 Akorintiyu 1:12

Khwa etthiipo, kintakha kilupe yoori akina a mweeyo anri: “Miiyo ki wa Paawulu”, “Miiyo ki wa Apoolu”, “Miiyo ki wa Pheeturu”, ama nalelo “Ki wa Al-Masiihu.”

2 Akorintiyu 13:3

Enooneya yoori mweeyo mwintta oveka wootootiwa yoori Al-Masiihu attakhule khwa miiyo. Ye khahiyo woottettheya khwa wuutthanttani mweeyo, ila ti wa owahi vakatthi venu mweeyo.

2 Akorintiyu 12:11

Kaari nlolo ottakhula toowo, ila ti mweeyo mwikikhanyareliye epo zaya. Miiyo kaarina ya orumiwa ti mweeyo, maana aki woopushuwa fwayita zayita “maaswihaapa apale awulu,” hatha nkhama aki paani.

2 Akorintiyu 11:18

Maana wiiya atthu enkeene anjikhutupula khwa matakhelo a onaatamu, na miiyo theenya kinteela ojikhutupula.

2 Akorintiyu 11:4

Maana, nkhama ntthu ootafusirelani mweeyo Yinsa nkina woohiiyi otule nuutafusireliyeenini, ama nkhama mwimpwekherela rooho yoofwarikhana na etile mwipwekhereliyeeyo, ama hapari zoofwarikhana na epile mwikhupaliyeeyo, mwinlottela wookhweyavo.

1 Akorintiyu 15:23

Ila wakhula mmote khwa zwaamu yawe: mwanzo Al-Masiihu, amana ye ata awaasisimule apale eeyiyeeyo awe.

Luuka 16:15

Aphano ye khuwooza yoori: “Mweeyo pi apale oojoona wiiya anashariya vakatthi wa atthu, ila Nluku onjuwa rooho zenu. Etile atthu anoonaaye wiiya ya fwayita, omaasho wa Nluku ti yootaraweya.

Matewuzhu 23:5

Zooshi anrettaazo antakha yoori ooniwe pi anaatamu. Yo anjifukela hirizi mmwishwa mwaya, na olepisa mashaka a ajapi zaya.