2 Akorintiyu 1:6 - Hapari Zooshapweya

⁶ Nkhama zanipattha miswipa ennipattha yoori mwizurwiwe na muusurukhe; nkhama nazurwiwa, na mweeyo mwazurweya, otthuupo oninkhaaye ovilela na olevelela ohoowa onipatthiyeeyo.

2 Akorintiyu 1:6 Referans Kwoze

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

2 Akorintiyu 1:4

annizurwaaye khwa miswipa zeetthu zooshi, yoori na fweeyo theenya niwahi owaazuru ooshi apale eniwaapatthaaye miswipa, na ozuru otthuupo fweeyo nizurwiweeyo ti Nluku.

Afiliipu 1:19

maana kinjuwa yoori mwaasa wa lompa zenu mweeyo na khwa awuni ya Rooho ya Al-Masiihu Yinsa, miiyo kinttela wiiya wootaphuliwa.

Ayeefezu 3:13

Nakataalikha, kinuuvekelani yoori mwihihuzunikhe khwa nanna kinihoowaazo mwaasa wa mweeyo, maana ohoowa waka miiyo siifwa yenu.

2 Akorintiyu 5:5

Nluku ti anitthenkeziyeeyo khwa niiya ethiito, aninkha Rooho nkhama nroromelo wa etile entaaye.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

2 Akorintiyu 12:15

Etthiipo khwa niiya yooshapweya, khwa pheta yenu mweeyo, kaari oharipu zooshi kiriina na ojikukhumula kimweenyewe. Mwaasa wa wuuphetani nakuvu, na mweeyo mwina ya okipheta.

Khaazi 21:5

Eviriyeevo siikhu zaya epile, fweeyo khulaamo mphule mwaya, khusala nilawa niperekhiwaka pi ooshi, wakhula mmote na muukhaawe na aana awe mpakha othetekele wa sitati. Khulawa khukokhora mmattima khusala nilompa.

Ayeefezu 3:1

Mwaasa wa ethiito, kininvekela Nluku miiyo Paawulu, kimpattikhanaaye kiri napherezu khwa Al-Masiihu yoori mweeyo mwiiyiye amalapo mwiiye saana,