2 Akorintiyu 1:21 - Hapari Zooshapweya

²¹ Nluku ti annikhomaazeye fweeyo na mweeyo khwa Al-Masiihu. Ye ti anithawaziyeeyo.

2 Akorintiyu 1:21 Referans Kwoze

1 Yaahaya 2:27

Ila othawaziwa opu mweeyo mwipwekheriyeeyo khwa ye olipe khwa mweeyo, na khamwinihithajiya osomisiwa ti hatha ntthu. Othawaza wawe wiiyiyeeyo haakhi na woohivonyeyi onuusomisani vitthu zooshi, tiito, mwilipane otthuupo nkhama etthiipo ye oosomisiyeenini.

1 Yaahaya 2:20

Ila mweeyo mwapokhera othawaziwa onlankhaaye khwa Rooho Ttakatthiifu na mooshi mweeyo mwinjuwa.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Arooma 8:9

Nakataalikha, mweeyo khamwishinttiweeni pi onaatamu, ila khwa Rooho, nkhama khweele rooho ya Nluku eniikhala khwa mweeyo. Na nkhama ntthu khana Rooho ya Al-Masiihu, khahi wa Al-Masiihu.

2 Atizaloonika 3:3

Ila Mbwana tu wa waamineya; ye ontta wuukhomaazani na wuuthokorelani khwa ntakhali.

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

2 Atizaloonika 2:8

Aphano onttela othoonyeziwa ntakhali, othuuto Mbwana Yinsa anttelaaye omuula na pheevo ya nkhanyo mwawe na ontapanya khwa ojithoonyeza wa ota wawe.

2 Akorintiyu 5:5

Nluku ti anitthenkeziyeeyo khwa niiya ethiito, aninkha Rooho nkhama nroromelo wa etile entaaye.

Yaahaya 3:34

Otule Nluku amperekhiyeeyo onttakhula mattakhuzi a Nluku, maana ye oninkha Rooho Ttakatthiifu woohiphimi.

Othoonyeziwa 3:18

Kinuulakani yoori: mwikuuzanyane miiyo weero swaafi yoofuliwa va moottho yoori mwireele; na kuwo zoolakala mwiwale yoori ehisaruwe haaya ya owaazu enu; na muuzanye thiipa mwivaaze maasho enu yoori mwipatthe woona.

Othoonyeziwa 1:6

khuniretta ofwalume na onamalokozela wa tiini yoori ninrumeyele Nluku awe na Paapa. Attitthimisiwe na owahi wiiye wawe khwa mileele! Amiina.

2 Atizaloonika 2:17

athuze rooho zenu na oolipiseleni khwa oretta vitthu zooshapweya mileele, waaza nkhaazi mpakha mmattakhuzi.

1 Atizaloonika 3:13

Yoori ye akhomaaze rooho zenu na mwiiye oohishowereyi khwa ottakatthifu omaasho wa Nluku eetthu Paapa, na khwa ota wa Mbwana eetthu Yinsa na attakatthiifu awe ooshi.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

1 Akorintiyu 1:8

Ye onuukholelelani mpakha mwiisho, woohiina paathuli mpakha siikhu ya ota wa Mbwana eetthu Yinsa Al-Masiihu.

Meepereewu 13:9

Mwihijilikhelele mwithuuliwaka pi masomi ofwarikhana na oohijuweyi. Afwataali rooho wiiya yoolipisiwa ti rehema woohiiyi khwa vitthu zoojeliwa majampo, etthiipo zihiniwapatthisaaye fwayita apale anjaaye.