1 Yaahaya 4:21 - Hapari Zooshapweya

²¹ Al-Masiihu aninkha oruma opu: Otule animphetaaye Nluku, theenya ona yompheta ttwiiye.

1 Yaahaya 4:21 Referans Kwoze

1 Yaahaya 3:11

Hapari mwisiiliyeezo thanku omwanzo pi epi: yoori nisala niphetana mmote na nzeetthu.

1 Atizaloonika 4:9

Monkoni wa pheta ya attwi, khinihithajiya owaatikhelani, maana Nluku mweenyewe awaasomisa yoori mwina ya ophetana mmote na nzeenu.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

Akaalata 5:14

Maana kano zooshi zakhusanyeya khwa oruma mmote: “Omphete namwaattamanani awo nkhama etthiipo onjiphetaazo omweenyewe.”

Yaahaya 15:12

“Oruma waka pu opu: mwiphetane mmote na nzeenu nkhama etthiipi miiyo khinuuphetanini mweeyo.

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

1 Yaahaya 3:14

Fweeyo najuwa yoori navikana ofwa neetta muuhaayi, maana niniwaapheta attwiizetthu. Otule ahimphetaaye ompharerela muufwa.

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

Luuka 10:37

Ye khujipu yoori: “Ti otule amooneliyeeyo huruma.” Yinsa khumuuza yoori: “Na weeyo olawe warette etthiipo.”

1 Yaahaya 4:11

Aphetani aka, nkhama etthiipo Nluku aniphetiyeezo, na fweeyo theenya nina yoophetana mmote na nzeetthu.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

1 Yaahaya 3:18

Aanaaka, pheta yeetthu ehiiye ya nttakhuzi la omilomo, ila esala yiiya yooretta na ya haakhi.

Matewuzhu 5:43

Mweeyo mwasiila elupiwaka yoori: ‘Omphete namwaattamanani awo, omwiine atuwi awo.’

1 Yaahaya 2:7

Aphetani aka, akiniwaatikhelani oruma mpheya, ila oruma wa raku, otthuupo mwiriina omwanzo: oruma otthuupo wa raku pi hapari mwisiiliyeeyo.