1 Yaahaya 3:2 - Hapari Zooshapweya

² Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

1 Yaahaya 3:2 Referans Kwoze

Afiliipu 3:21

Ye onteela ozukulisa mwiili eetthu wootarawiwa alattanisaka mwiili awe woottitthima, khwa owahi onimwinkhaaye makhaamu a oshintta vitthu zooshi vathi wa ofwalume awe.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

1 Akorintiyu 13:12

Maana, nasaapi ninoona ratarato yoozizeya, nkhama yiloolo; ila ninteela omoona wuuso khwa wuuso. Nasaapi ojuwa waka khayi khaamili; ila, kinteela onjuwa sawasawa, nkhama etthiipo na miiyo kinjuwiwaazo sawasawa.

Arooma 8:29

Maana apale Nluku awathawuliyeeyo, awaaphakula yoori alattanane Mwanawe. Ye aretta epo yoori mwanawe eeye wa omwanzo vakatthi wa attwi enkeene.

1 Akorintiyu 15:49

Nkhama etthiipo niriina ratarato ya pinaatamu wa vathi apha, ninteela wiiyana theenya ratarato ya pinaatamu wa pinkuuni.

Othoonyeziwa 22:4

Yo anteela woona wuuso awe, na nzina lawe linttela wiiya vaajihi vaya.

2 Pheeturu 1:4

Khwa nanna ethiito, ye aninkha ahiti yawe khuluyeene na yootafikhana yoori khwa etthiipo mweeyo mwipatthe oretta phantte ya ephattu ya Nluku, mwiweraweraka vitthu zootakhala ziriiye voolumwenku, mwaasa wa omaashokopho.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

Akaalata 4:6

Na mwaasa wa mweeyo wiiya aana a Nluku, ye aperekha varoho venu Rooho ya Mwanawe, enkhuwaaye eraka: “Aba, enraaye Paapa!”

Arooma 8:18

Kinkhupalela yoori ohoowa weetthu nasaapi eti, khunlikanisaniwa siifwa enttelaaye othoonyeziwa khwa fweeyo.

Akaalata 3:26

Nakataalikha nasaapi eti mooshi mweeyo mwa aana a Nluku khwa amini ya Yinsa Al-Masiihu.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Matewuzhu 5:8

Ooparikhiyiwa pi apale ariina rooho yoopakusiwa, maana yo anteela omoona Nluku.

1 Yaahaya 2:28

Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

Zaapuura 16:11

Weeyo onikithoonyeza tarikhi ya ohaayi, omaasho wawo ewaakho furaha ya waatta, nkhono nlume awo ziwaakho vitthu zoopuheya zihinishaaye.

Luuka 17:30

“Enttela orettikhana etthiipo siikhu anttelaavo othoonyeziwa Mwaana wa Pinaatamu.

Luuka 20:36

maana khanfwa theenya, anttela wiiya nkhama malayikha na aana a Nluku, mwaasa yoori asisimuliwa.

Yaahaya 1:12

Ila apale ampwekhereliyeeyo na akhupaliyeeyo nzina lawe, awenkha ruhusa yooretteya wiiya aana a Nluku.

Yaahaya 11:52

khahiyo paasi khwa khapila ya mayaahuuti, ila theenya yoori awaakusanye khwa mwiili mmote aana a Nluku apale amwazeyiyeeyo.

Arooma 8:16

Rooho ethiito enlawela oshaahiti rooho yeetthu yoori na aana a Nluku.

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

1 Yaahaya 2:7

Aphetani aka, akiniwaatikhelani oruma mpheya, ila oruma wa raku, otthuupo mwiriina omwanzo: oruma otthuupo wa raku pi hapari mwisiiliyeeyo.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Yaahaya 3:21

Aphetani aka, nkhama rooho zeetthu khinnikheeti, ninaaye nroromelo mmakhono wa Nluku;

Othoonyeziwa 2:28

Miiyo kinimwinkha ofwalume otthuupo kipwekheriyeeyo wa paapa. Na theenya kinimwinkha Phuluvulu.