1 Yaahaya 2:5 - Hapari Zooshapweya

⁵ Ila ntthu anshututelaaye mattakhuzi awe, oto khweele pheta ya Nluku yankamilikhela vakatthi vawe. Khwa ethiito, ninjuwa yoori niri khwa ye:

1 Yaahaya 2:5 Referans Kwoze

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

Yaahaya 14:21

Otule ansiilaaye oruma waka na khushututela oto ti anikiphetaaye; na otule anikiphetaaye oniiya woophetiwa ti Paapa, na miiyo theenya kininpheta na kinjithoonyeza khwa ye.”

Luuka 11:28

Ila Yinsa khunjipu araka: “Ooparikhiyiwa pi apale ansiilaaye nttakhuzi la Nluku khushututela.”

1 Yaahaya 3:24

Otule anshututelaaye oruma wawe oto onlipana Nluku, na Nluku na ye. Khwa toowo onjuwa yoori ye oniiya khwa ye, mwaasa wa Rooho aninkhiyeeyo.

Othoonyeziwa 14:12

Ntthi nthiti la attakatthiifu anshututelaaye oruma wa Nluku na anaamineyaaye khwa Yinsa.

1 Yaahaya 5:2

Fweeyo ninjuwa yoori niniwaapheta aana a Nluku amana nimphetaka Nluku na nishututelaka oruma wawe.

Yaahaya 15:5

“Miiyo ki nrayi, mweeyo mwa virapi. Otule anjilipisanaaye miiyo, na miiyo khwa ye, oto aya oniima mishumo zawaatta; maana mweeyo woohiiyani miiyo, khina etthu mwinwahaaye oretta.

1 Yaahaya 4:18

Nkatthi wa opheta khawiimo woova, ila pheta yookamilikha eniikara woova. Mwaasa yoori woova onttheriwa ti hukhumu. Aphano otule anoovaaye khakamilikheeni khwa pheta.

2 Akorintiyu 5:17

Nakataalikha, amana ntthu eeya khwa Al-Masiihu, oniiya ntthu mpheya. Vitthu epile zaraku zavira; zooshi zaretteya opheeya!

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Tiyaaku 2:22

Weeyo ona ya woona yoori amini na khaazi yawe zaari okhola vamote. Na amini yathoonyezeya khwa khaazi yawe.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Yaahaya 6:56

Otule anrafunaaye mwiili aka na khunywa taamu yaka oto oniikhala khwa miiyo na miiyo khwa ye.

1 Yaahaya 4:17

Khwa nanna eti opheta oniiya woozowereya khwa fweeyo, yoori siikhu ya mwiisho niiye wonroromela, maana voolumwenku apha fweeyo niri nkhama ye.

2 Yaahaya 1:6

Pheta ya eto ti eti: yoori neettette khwa oshututela oruma wawe. Oruma waya pi opu, nkhama etthiipo mwisiiliyeezo thanku omwanzo, yoori neettette khwa pheta ethiito.