1 Yaahaya 2:28 - Hapari Zooshapweya

²⁸ Aphano aanaaka, mwilipane ye, yoori amana ofiya wakathi awe woota nipatthe ororomela, na nihiiye woopatthiwa ti haaya siikhu antaavo.

1 Yaahaya 2:28 Referans Kwoze

1 Yaahaya 4:17

Khwa nanna eti opheta oniiya woozowereya khwa fweeyo, yoori siikhu ya mwiisho niiye wonroromela, maana voolumwenku apha fweeyo niri nkhama ye.

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

1 Yaahaya 3:21

Aphetani aka, nkhama rooho zeetthu khinnikheeti, ninaaye nroromelo mmakhono wa Nluku;

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

1 Yaahaya 2:1

Aanaaka, mattakhuzi apa kiniwaatikhelani mweeyo yoori mwihisala mwiretta twampi. Ila ntthu arettaru twampi, ninaaye namwaakisa mmakhono wa Paapa, Yinsa Al-Masiihu nashariya.

1 Atizaloonika 3:13

Yoori ye akhomaaze rooho zenu na mwiiye oohishowereyi khwa ottakatthifu omaasho wa Nluku eetthu Paapa, na khwa ota wa Mbwana eetthu Yinsa na attakatthiifu awe ooshi.

1 Yaahaya 5:14

Opu ororomela niriina mmakhono wa Nluku, amana niveka etthu khwa matakhelo awe, ninaaye hakiikha yoori onnisiila.

1 Pheeturu 5:4

Amana ata Nshuki Nwulu, mweeyo mwinteela opwekhera jarata ya siifwa ehinishaaye waara waya.

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

1 Atizaloonika 2:19

Nakataalikha nroromelo eetthu niini, furaha ama jarata ninjisifwanaaye omaasho wa Mbwana eetthu Yinsa khwa ota wawe? Khahiyo mweeyo?

1 Akorintiyu 1:7

khwa nanna ehinuusaleeleenini hatha tthuvo ttakatthiifu, mwiwejelaka othoonyeziwa wa Mbwana eetthu Yinsa Al-Masiihu.

Arooma 9:33

Nkhama etthiipo yaatikhiweezo yoori: “Moone yoori kinttha khwa Siyoni liwe limote lookwakwanttula na liwe limote linkwisaaye, na otule ankhupalaaye khinteela ompattha haaya theenya.”

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

1 Timootiyu 6:14

yoori otthe nroho oruma swaafi na woohilokoveziwi hatha etthu, mpakha epuwelo ya Mbwana eetthu Yinsa Al-Masiihu.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

1 Akorintiyu 15:23

Ila wakhula mmote khwa zwaamu yawe: mwanzo Al-Masiihu, amana ye ata awaasisimule apale eeyiyeeyo awe.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Matewuzhu 16:28

Miiyo kiniwuuzani khweele yoori, awaapho apha atthu akina ahinttelaaye ofwa ahimooneni khapula Mwaana wa Pinaatamu ataaka muufwalume mwawe.”

Luuka 17:30

“Enttela orettikhana etthiipo siikhu anttelaavo othoonyeziwa Mwaana wa Pinaatamu.

Ayeefezu 3:12

Khwa otule nimpattheliyeeyo otaphuliwa, ninlawa ojithoonyeza omaasho wa Nluku nirina nroromelo nwulweene wa amini khwa ye.