1 Yaahaya 2:24 - Hapari Zooshapweya

²⁴ Mwilipane olottisela nttakhuzi looshi ntthile mwisiiliyeeyo waaza omwanzo ene. Amana mwilipana epile mwisiiliyeeyo waaza omwanzo ene theenya phi mwinlipanaavo Mwaana na Paapa.

1 Yaahaya 2:24 Referans Kwoze

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

1 Yaahaya 4:13

Maana Nluku aninkha Rooho yawe, toowo fweeyo ninjuwa yoori niniikhala khwa ye, na ye khwa fweeyo.

1 Yaahaya 4:16

Fweeyo ninjuwa na nakhupali pheta ariina Nluku na fweeyo. Nluku opheta. Otule anlipanaaye mpheta onlipana Nluku, na Nluku onlipa khwa ye.

Othoonyeziwa 3:3

Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.

1 Yaahaya 2:7

Aphetani aka, akiniwaatikhelani oruma mpheya, ila oruma wa raku, otthuupo mwiriina omwanzo: oruma otthuupo wa raku pi hapari mwisiiliyeeyo.

1 Yaahaya 1:3

Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

Yaahaya 15:7

Ila amana mwijilipisana miiyo na mattakhuzi aka khwiiya na mweeyo, mwiveke wakhula etile mwintakhaaye mwintta winkhiwa.

Othoonyeziwa 3:11

Kinta woohirupazi. Mwithokorele etile mwiriina, yoori ahiiyevo hatha ntthu woothuula jarata yenu.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Afiliipu 4:15

Nkhama etthiipo mweeyo afiliipu mwinjuwaazo, yoori khwa siikhu za waaza wa olaleyiwa hapari zooshapweya, wakathi kiliyeewo Masetooniya, khawiivo ojama wa Nluku mmote waajikusanyaniyeeyo miiyo monkoni wa winkha na winkhiwa, woohiiyi mweeyo paasi.

3 Yaahaya 1:3

Kafurahi venkivene khwa opokherela othotoliwa pi attwi akinaaya alupiyeeyo monkoni wa waamineya wawo khwa haakhi, na nanna onviraaye olottaka haakhi.

2 Yaahaya 1:2

mwaasa wa haakhi etile nilipaniyeeyo fweeyo na enttela wiiya na fweeyo khwa mileele.

Meepereewu 2:1

Khwa etthiipo nina ya osiileza saana nttakhuzi la Nluku nisiiliyeeyo, yoori nihithowelele theenya.

Yaahaya 8:25

Aphano khumuuzela Yinsa yoori: “O paani weeyo?” Yinsa khujipu yoori: “Thanku omwanzo kawuuzani.

Luuka 1:2

Apale aari mashaahiti ooniyeeyo omwanzo ene zirettikhanaka, khwiiya anamalaleya a hapari zooshapweya, atthaapo pi anifiyiseliyeeyo fweeyo.

Luuka 9:44

“Mwisiileze saana mattakhuzi apa kiniwuuzaanini: Mwaana wa Pinaatamu onttela winkheleliwa mmakhono wa anaatamu.”

Yaahaya 6:56

Otule anrafunaaye mwiili aka na khunywa taamu yaka oto oniikhala khwa miiyo na miiyo khwa ye.

1 Yaahaya 3:24

Otule anshututelaaye oruma wawe oto onlipana Nluku, na Nluku na ye. Khwa toowo onjuwa yoori ye oniiya khwa ye, mwaasa wa Rooho aninkhiyeeyo.

1 Yaahaya 4:15

Wakhula otule antukhurwaaye yoori Yinsa Mwaana wa Nluku, Nluku onlipa khwa ntthu aya oto, na oto onlipa khwa Nluku.

2 Yaahaya 1:9

Wakhula otule ahinlipanaaye masomi a Al-Masiihu, na anzitisaaye, khana Nluku; ila otule anlipanaaye ona Paapa na onaaye Mwaana.