1 Yaahaya 2:19 - Hapari Zooshapweya

¹⁹ Yo alaavo vakatthi veetthu, nakataalikha apo aya khaari eetthu; maana eriwaka eettiye wiiya eetthu eetta onipharelela na fweeyo; yo alaavo yoori athoonyeze yoori ooshi khaari eetthu.

1 Yaahaya 2:19 Referans Kwoze

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

1 Akorintiyu 11:19

tiito enihithajiya wiiyavo waawanyeya mweeyenaru, yoori ajuwiwe paani wa mweeyo eeyiyeeyo woohakikhiwa.

Yuuda 1:19

Pi atthaapo anuutothelaanini waawanyeya, atthaapo anlottaaye matakhelo a rooho zaya na khana rooho ya Nluku.

Luuka 8:13

Peewu epi zaakweliiye va mawe, zinlikanisaniwa atthu apale ansiilaaye nttakhuzi la Nluku khupokherela na furaha. Ila mwaasa woohiina mitathaari, wakathi vattitthiiru nawootootiwa ti sheethwani anlikha waamini waya.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Khaazi 15:24

Nasiila yoori, vakatthi veetthu alankhavo atthu ata ottuukho oteela wuutapanyani na mattakhuzi oovonyeya arutiselaka nyuma nafusi zenu woohirumiwi ti fweeyo.

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Meepereewu 10:39

Fweeyo, khahi apale anrutelaaye nyuma na khupwetheya; ila fweeyo pi apale ankhupalaaye khuusurukha.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Arooma 9:6

Nihuupuwele yoori nttakhuzi la Nluku tthi loovonyeya. Olikha toowo, khahiyo ojama yooshi ya Ezirayiilu eeyiyeeyo meezirayiilu.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

2 Timootiyu 3:9

Khanteela weetta peeti, maana nkhama etthiipo ziwaarettikhaneliyeezo Jaane na Jampere, ololo wa atthu apho onttela wooniwa pi atthu ooshi.

Yaahaya 15:2

Wakhula erapi etile eriiye khwa miiyo khuhisala yiima, ye ontta oshija; na wakhula etile eniimaaye ontta okasurela yoori etepe wiima.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.