1 Yaahaya 2:18 - Hapari Zooshapweya

¹⁸ Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

1 Yaahaya 2:18 Referans Kwoze

1 Yaahaya 4:3

ila wakhula rooho ehinintukhurwaaye Yinsa khilankheeni wa Nluku. Eto rooho ya atuwi wa Al-Masiihu, ethiito mwasiiliyeeyo yoori enta, aphano yata eri voolumwenku.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

1 Yaahaya 2:22

Namahata paani? Ti otule anlupaaye yoori Yinsa khahiyo Al-Masiihu. Othuuto tiye eeye atuwi wa Al-Masiihu, aninkatthalaaye Paapa na Mwaana.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 24:5

Maana atthu awaatta anlawa ate khwa nzina laka alupaka yoori: ‘Miiyo ki Al-Masiihu’! Na anteela owahata atthu awaatta.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Maaruku 13:6

Maana atthu awaatta anlawa ate khwa nzina laka alupaka yoori: ‘Miiyo ki Al-Masiihu’! Na awaahate atthu awaatta.

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

Matewuzhu 24:11

Na thamani ya manapiyu oojipanka anlawa apuwe na anteela owaattettekha atthu awaatta.

Yuuda 1:18

Yo awuuzani mweeyo yoori: “Siikhu ya mwiisho anteela opuwa anamattukhana anttelaaye olottela tuvela zaya za okaafiri.”

2 Pheeturu 3:3

Khapula ya vitthu zooshi mwijuwe yoori, siikhu za mwiisho, anteela opuwa anamaveyisa aveyisaka na alottelaka tuvela zaya zootakhala.

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

Yaahaya 21:5

Ye khuwoozela yoori: “Aanaaka, mwapattha swi?” Yo khujipu yoori: “Wala!”

Arooma 13:11

Mwisala mwiretta epo, mwijuwaka wakathi niniikhalaaye, wafiya wakathi wa mweeyo wuumwazeyani osikizi, maana nusura yeetthu eri kharipu zayita wakathi nikhupaliyeeyo.

Arooma 13:12

Osikhu onsaleela wiisha; nthana ori kharipu. Nakataalikha nilikhe khaazi za n'yiiza na nijiwalise zaana za nnuuru.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.