1 Yaahaya 2:17 - Hapari Zooshapweya

¹⁷ Olumwenku oniisha na omaashokopho aya; ila otule anrettaaye epile Nluku antakhaaye, ontta olipana ohaayi wa mileele.

1 Yaahaya 2:17 Referans Kwoze

Matewuzhu 24:35

Pinku na vathi zooshi zinteela ovira, ila mattakhuzi aka khanviraru.

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

1 Akorintiyu 7:31

apale anrumeyelaaye vitthu za voolumwenku apha, eeye nkhama ahinshikhaaye epo zaya; maana vitthu zaya epo zinooneyaaye nasaapi eti zinvira.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Meepereewu 10:36

Mweeyo mwinhithajiya wiiyana nthiti, yoori amana mwiretta etile yiiyiye ya matakhelo a Nluku, mwipokhere etile ahitiyeeyo.

Maaruku 3:35

Otule anrettaaye matakhelo a Nluku, ti eeyiye ttwiiyaku, nlupwaaka na maama.”

1 Pheeturu 1:5

khwa amini mwakholeleliwa ti owahi wa Nluku mpakha ota nusura entakhaaye othoonyeziwa wakathi wa mwiisho.

1 Atizaloonika 4:3

Niiya ya Nluku ti yoori mweeyo mwiiye woottakatthisiwa. Mwijiphakulane khaapa twayifu.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Matewuzhu 7:21

“Khahiyo ooshi apale anikiitthaaye yoori: ‘Mbwana, Mbwana,’ anttelaaye weettamo muufwalume wa pinkuuni, ila otule anrettaaye matakhelo a Paapa ariiye pinkuuni.

Tiyaaku 4:14

Mweeyo khamwinjuwa etthu enttelaaye orettikhana meesho! Ohaayi enu weetta wiiya niini? Mweeyo mwiri nkhama tthapo, empuwaaye wakathi vattitthiiru khwaashikha.

Yaahaya 6:58

Eti phaawu elankhiyeeyo pinkuuni. Apapazenu aja mana na khufwa, ila otule anrafunaaye phaawu eti oniiya haayi mileele.”

Matewuzhu 21:31

“Khwa aana apale awiri ti tuuvi arettiyeeyo matakhelo a papaawe?” Khujipu yoori: “Otule wa mwanzo.” Yinsa khuwooza yoori: “Kiniwuuzani khweele yoori, anamariphisa lumpuru na amalempe antta weetta muufwalume wa Nluku mweeyo mwihineettemu.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.