1 Yaahaya 2:16 - Hapari Zooshapweya

¹⁶ Maana zooshi ziriiye voolumwenku, omaashokopho wa mwiili, omaashokopho wa maasho, ojikhupali na maali; epo zaya khinlankha wa Paapa, ila voolumwenku.

1 Yaahaya 2:16 Referans Kwoze

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

Akaalata 5:17

Maana epile entakhaaye onaatamu enuumanana etile entakhaaye Rooho Ttakatthiifu. Na etile entakhaaye Rooho Ttakatthiifu enuumanana etile entakhaaye onaatamu. Epo zintta wuumana moote na nzaaya, tiito mwihirette etile mwintakhaaye.

Mwanzo 3:6

Muukha khoona yoori muutthi opule waari wooshapweya, mishumo zaya zaari zooshapweyela oja na zaarina fwayita yoojuwisa. Attaapho, khushuma khuja, khumwinkha mannawe, na ye khuja.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

Tiyaaku 3:15

Akhili za nanna eto khinlankha pinkuuni, ila pi za vathi attaapha, za onaatamu na za sheethwani.

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

2 Pheeturu 2:10

haaswa haaswa apale anlottelaaye vitthu zoohifwayi za onaatamu na otarawu ofwalume. Anamanozela aya apo pi oohisuluheyi, oojikhupali, yo khanoova otarawu zumpe za pinkuuni.

Tiitu 2:12

Rehema enninozela olikha okaafiri na tuvela za olumwenku, khwaaza wiikhala meekhazi oojiitthaaza, a shariya na waamineya khwa Nluku wakathi otthuupu,

2 Pheeturu 2:18

Maana yo, khwa mattakhuzi ohiina fwayita oojitayiti na atothaka tuvela zoohifwayi za onaatamu, aniwaattettekha atthu antakhaaye owaatthira apale aniikhalaaye khwa vitthu zoovonyeya.

1 Pheeturu 1:14

Nkhama aana oshututi, mwihijilipisane tuvela zootakhala za raku, za wakathi opule mwaari wiikhalaaye woohijaliwi.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

Matewuzhu 5:28

Ila miiyo kiniwuuzani yoori, wakhula animweekesaaye muukha na khuntakha nroho mwawe, araruwa.

Luuka 4:5

Sheethwani khunweza vatulu, khunnoza ofwalume wooshi wa olumwenku.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Matewuzhu 4:8

Sheethwani khunthuula theenya khumweettana vamwaako mmote woolepa venkivene khunthoonyeza ofwalume wooshi wa olumwenku na siifwa yaya.

1 Akorintiyu 10:6

Vitthu zaya epo zarettikhana nkhama nthoonyezo khwa fweeyo, yoori nihilazele omaashokopho vitthu zootakhala nkhama yo arettiyeezo.

Mwanzo 6:2

mahaakhimu khuwoona yoori aakha apale aari ooshapweya, wakhula mmote wa yo khusala awaathuula apale aari owaatakhaaye.

Tiyaaku 4:16

Ila mweeyo mwinjitayiti na ojittottopa. Wakhula ojitayiti nkhama opo pi wootakhala.