1 Yaahaya 2:13 - Hapari Zooshapweya

¹³ Apaapa, miiyo kiniwaatikhelani mweeyo, maana mwininjuwa otule ariivo thanku omwanzweene. Mashaapu, kiniwaatikhelani mweeyo, maana mwanshintta ntakhali.

1 Yaahaya 2:13 Referans Kwoze

Yaahaya 14:7

Eriwaka khweele mwaari okijuwa, nka mwinjuwaka Paapa. Apha enasaapi eti mwininjuwa na mwaaza omoona.”

1 Yaahaya 2:14

Aanaaka, kawaatikhelani maana mwanjuwa Paapa. Apaapa, kawaatikhelani maana mwininjuwa otule ariivo thanku omwanzweene. Mashaapu, miiyo kawaatikhelani maana mweeyo mwa wookhomaala, na khwa mweeyo nttakhuzi la Nluku mwilipane na mwanshintta ntakhali.

1 Yaahaya 4:4

Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

1 Yaahaya 1:1

Niniwaatikhelani monkoni wa Nttakhuzi la ohaayi, nttinttho laariivo thanku waaza woolumwenku, ti othuutu ninsiiliyeeyo na nimooniyeeyo na maasho eetthu na ninsapiyeeyo na makhono eetthu.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

1 Yaahaya 5:18

Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 3:12

Nihiiye nkhama Kayiini, otule aari wa phantte ya ntakhali khumuula ttwiiye. Amuulela niini? Mwaasa wa khaazi zawe zaari zootakhala, ila epi za ttwiiye zaari za shariya.

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

1 Yaahaya 2:12

Miiyo kiniwaatikhelani mweeyo aanaaka, maana twampi zenu zaswaamihiwa, mwaasa wa rehema ya Yinsa.

1 Yaahaya 2:1

Aanaaka, mattakhuzi apa kiniwaatikhelani mweeyo yoori mwihisala mwiretta twampi. Ila ntthu arettaru twampi, ninaaye namwaakisa mmakhono wa Paapa, Yinsa Al-Masiihu nashariya.

Tiitu 2:6

Khwa nanna ethiito, owaalipisele mashaapu yoori eeye atthu oojiitthaaza.

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Yaahaya 16:3

Yo anttela oretta toowo mwaasa woohinjuwi Paapa wala miiyo.

Yaahaya 14:9

Yinsa khunjipu yoori: “Filiipe, kiikhaliyeezo wakathi mwinkeene na mweeyo; nalelo khunikijuwa? Otule akooniye miiyo amoona Paapa. Khi onlupa toovi yoori: ‘Onithoonyeze Paapa’?

Yaahaya 8:19

Aphano khumuuzela yoori: “Papaawo aya ori vayi?” Yinsa khuwaajipu yoori: “Mweeyo khamwinikijuwa miiyo na khamwininjuwa Paapa, eriwaka mwaari okijuwa, mweetta onjuwa Paapa.”

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

Matewuzhu 13:19

Amana ntthu asiila nttakhuzi la ofwalume khuhimweeleyi, ntakhali ti antaaye khulazavo etile yaazaliweeyo nroho mwawe. Eto peewu etile yaakweliyeeyo nshini wa tarikhi.

1 Timootiyu 5:1

Nlume wa wuuziti owula ohisala ommaruwela, ila onlipisele saana nkhama papaawo, mashaapu nkhama attwiizo,

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Matewuzhu 5:37

Entosheleza olupa yoori ‘aayo’ amana yiiya ‘aayo’, na ‘wala’ amana yiiya ‘wala’; noozitisa apho enlankha wa sheethwani.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Othoonyeziwa 2:7

Otule ariina mashiilo ti asiile etile Rooho ya Nluku elupiyeeyo khwa ojama wa Nluku. Otule anshinttaaye kinimwinkha ruhusa ya oja muutthi wa ohaayi, oriiye jannathi ya Nluku.”

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.