1 Yaahaya 2:10 - Hapari Zooshapweya

¹⁰ Wakhula otule animphetaaye ttwiiye onlipana nuuru, na varoho vawe khayiivo hatha etthu eninkosisaaye.

1 Yaahaya 2:10 Referans Kwoze

1 Yaahaya 3:14

Fweeyo najuwa yoori navikana ofwa neetta muuhaayi, maana niniwaapheta attwiizetthu. Otule ahimphetaaye ompharerela muufwa.

Arooma 14:13

Nakataalikha, nilikhe ophukana mmote na nzeetthu. Olikha toowo, nirette matakhelo ohitthi liwe la okhwankhwanttula ama enttiyelelaaye tarikhi ya ttwiiyo.

2 Pheeturu 1:10

Nakataalikha, attwiizaku, mwijilipise weekesa venkivene ohakikhi okhuweliwa na othawuliwa weenu, mwirettaru etthiipo khamwinteela okwakwanttuwa,

Yaahaya 8:31

Yinsa khuwooza mayaahuuti apale ankhupaliyeeyo yoori: “Amana mweeyo mwijilipisana nttakhuzi laka, weekhweele mwinttela wiiya anakhiyoni aka;

Matewuzhu 18:7

“Watakhaliwa olumwenku, mwaasa wa vitthu za okosisa. Maana khinivonyela ohirettikhani vitthu zaya epo, ila atakhaliwa ntthu otule anttelaaye wiiyana paathuli.

Matewuzhu 13:21

Ila mwaasa wa ohiina mitathaari eenyeweru, anlipalipa khwa wakathi vattitthiiru. Amana epuwelela miswipa ama lupattha mwaasa wa nttakhuzi la ofwalume, anlikha nasaapiru amini yaya.

Afiliipu 1:10

yoori mwipheleleze vitthu zooziti na mwiiye swaafi oohiina hatha paathuli mpakha siikhu antaavo Al-Masiihu.

Yaahaya 11:9

Yinsa khujipu araka: “Nthana khuna wakathi khumi na miwiri? Ntthu amana eettetta nthana khankwakwattuwa, maana onoona nuuru ya olumwenku otthuupu.

Yaahaya 12:35

Aphano Yinsa khuwooza yoori: “Nuuru eri vamote na mweeyo khwa wakathi vattitthiiru. Mweettette wakathi otthuupu mwiriinaavo nuuru, yoori yiiza ehuusikaneni, maana ntthu aneettettaaye n'yiiza khanjuwa ohali aneettaawo.

1 Yaahaya 2:11

Ila otule aniiphiiriwaaye ti ttwiiye, oto aya nalelo ori n'yiiza na oneettetta n'yiiza, khanjuwa ohali aneettaawo, maana yiiza yoomisa maasho awe.