1 Yaahaya 2:1 - Hapari Zooshapweya

¹ Aanaaka, mattakhuzi apa kiniwaatikhelani mweeyo yoori mwihisala mwiretta twampi. Ila ntthu arettaru twampi, ninaaye namwaakisa mmakhono wa Paapa, Yinsa Al-Masiihu nashariya.

1 Yaahaya 2:1 Referans Kwoze

1 Timootiyu 2:5

Maana, Nluku ori mmote paasi, na namasiilanisa paasi khwa atthu na Nluku mmote, Yinsa Al-Masiihu pinaatamu,

Arooma 8:34

Namahukhumu ti paani? Ti Yinsa otule afwiiyeeyo, na theenya khusisimuwa opheya ori nkhono nlume wa Nluku, na onnivekelela fweeyo.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

1 Yaahaya 4:4

Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

1 Yaahaya 3:18

Aanaaka, pheta yeetthu ehiiye ya nttakhuzi la omilomo, ila esala yiiya yooretta na ya haakhi.

1 Yaahaya 3:7

Mweeyo aanaaka, mwihinlikhelele ntthu oohatakani. Wakhula otule aneettettisaaye shariya nashariya, nkhama etthiipi naye eeyiyeeyo nashariya.

Yaahaya 8:11

Ye khujipu yoori: “Khina mmote, Mbwana.” Aphano Yinsa khumuuza yoori: “Na miiyo akinuuhukhumu. Olawe na ottharuwe oretta twampi.”

Meepereewu 9:24

Maana Al-Masiihu khavireeni omwimpari waattaliwa pi makhono a atthu wiiyiye weezela wa mwimpari opule wookhweele; ye alawa pinkuuni, ojithoonyeza nasaapi mmakhono wa Nluku khwa zwaamu yeetthu.

1 Yaahaya 3:5

Na mweeyo mwinjuwacha yoori Yinsa aateeliye opakusa twampi zeetthu, na khwa ye khiniiyavo twampi.

Ayeefezu 2:18

Maana khwa ye mweeyo na fweeyo ninaaye ruhusa ya paapa khwa Rooho moote paasi.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Ayeefezu 4:26

Mwikatipukhe, ila mwihikose, owiisheleni okatipukha waya opo njuwa lihinatupweele.

Akaalata 4:19

Aanaaka, kinoona olwaaza ovokola opheya mwaasa wa mweeyo, mpakha Al-Masiihu okhomaala khwa mweeyo.

Yaahaya 10:15

etthiipo Paapa anikijuwaaye na miiyo kininjuwa Paapa; na kininkha ohaayi aka pwittipwitthi zaka.

Yaahaya 5:36

Ila miiyo kinaaye oshaahiti nwulweene zayita Yaahaya, mwaasa wa khaazi akinkhiyeeyo Paapa yoori kikhole. Ethiito oshaahiti yoori Paapa ti akirumiyeeyo.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

1 Pheeturu 2:22

“Ye kharetteeni hatha twampi moote, na wala khusaruweenimo ottettekha mmote nkhanyo mwawe.”

1 Akorintiyu 15:34

Nkhama anashariya, mwiikhale mwentto wooshapweya na mwilikhe twampi; maana akina nalelo khananjuwe Nluku; kinlupa epo zaya khwa haaya yenu mweeyo.

Yaahaya 5:14

Paata ya vitthu epile, Yinsa khukutthanana Nnyupa Woosifwiwamo khumuuza yoori: “Woone, weeyo wavonisiwa! Ohirutele ntwampi yoori ehuurettikhanele etthu yooziti.”

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.

1 Yaahaya 5:21

Aanaaka, mwiwerawere miluku zoovonyeya.

Tiyaaku 3:9

Ninrumeyela nlimi nttinttho ninsifwaka Mbwana Paapa, na khwa nttinttho niniwaalani atthu, ompiweeyo oolattanana Nluku.

Arooma 6:15

Apho, nisala niretta twampi mwaasa wa yoori khaniri vathi wa kano, ila niri vathi wa nrehema ya Nluku? Hatha vattitthiiru!

Yaahaya 13:33

“Aanaaka, nalelo khwa wakathi vattitthiiru kiri vamote na mweeyo. Mweeyo mwinlawa mwakeekese, ila miiyo kiniwuuzani nkhama kiwooziyeezo mayaahuuti yoori: ohali kineettaawo mweeyo khamwinwahi ofiyawo. Na mweeyo enasaapi eti kiniwuuzani etthiipo.

1 Timootiyu 3:14

Kiniwaatikhela weeyo Timootiyu warakha eti, keekeselaka oteela wuuthotola nasaapi,

Yaahaya 21:5

Ye khuwoozela yoori: “Aanaaka, mwapattha swi?” Yo khujipu yoori: “Wala!”

Yaahaya 14:16

Miiyo kinttela onvekela Paapa yoori awinkheni Namalipisela nkina, yoori eeye vamote na mweeyo khwa mileele,

Khaazi 7:52

Napiyu ni amarehemu apapazenu ahinlupattheeni? Yo awoola apale aari olaleyaaye ota wa Nashariya, othuuto enasaapi eti mweeyo mwijirettiyeeyo onamanlupattha na namahusuti.

Arooma 5:10

Maana wakathi naari maatuwi a Nluku nawahi osiilana na ye khwa ofwa wa mwanawe, khutepa nasaapi eti nisiilananiyeevo ye, ninteela wuusurukha mwaasa wa ohaayi awe.

1 Yaahaya 5:17

Vitthu zooshi zohiiyi za shariya twampi, ila ewaapho twampi ehintanaaye ofwa.

3 Yaahaya 1:4

Akina furaha kiina yooziti eto, ya osiila oriwa aanaaka aneettetta nhaakhi.