1 Yaahaya 1:9 - Hapari Zooshapweya

⁹ ila amana nitukhuru twampi zeetthu, Nluku tu wawaamineya na wa shariya, ontta oniswaamihi twampi zeetthu na aswafi zooshi zohiiyi za shariya.

1 Yaahaya 1:9 Referans Kwoze

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

1 Timootiyu 1:15

Mattakhuzi apa pi ookhweele na ansuhi okhupaleliwa: Yinsa Al-Masiihu ti ye aatiiyeeyo voolumwenku oteela owoosuru anatwampi, wootepacha waya ti miiyo.

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

Khaazi 19:18

Atthu apale aakhupaliyeeyo khusala ata oteela otukhuru twampi zaya na olupa siiri zaya za khaazi zootakhala aari okholaazo.

Maaruku 1:5

Atthu ooshi a nti wa Yudeya na apale a Yeruzaleemu aari ovira ataaka na otukhuru twampi zaya na yo aari wiiya a woosiwa khwa ye mmuttho Yorotaani.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

Othoonyeziwa 15:3

na khusala eepa liipo la Munsa, karumeya wa Nluku, na liipo la Pwittipwitthi yoori: “Khuluzeene na zootikinisa zooretta za Mbwana Nluku Nwahi zooshi. Tarikhi zawo shariya na haakhi, Oo Mfwalume wa khapila zooshi.

Meepereewu 11:11

Khwa amini Eburahiima, naye Suhura, eeyiyeru pure woohivokoli na wa hirimu yooziti, aapwekheriye owahi wa onvokola mwaana, maana amooniye wiiya wa waamineya otule amwahitiyeeyo.

Matewuzhu 3:6

Yo aari otukhuru twampi zaya, nawoosiwa ti Yaahaya mmuttho Yorotaani.

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

Arooma 3:26

ila nasaapi eti, aretta epo yoori athoonyeze shariya yawe, mwaasa wa wiiya nashariya na namahakikhi wa apale ariina amini khwa Yinsa.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Luuka 22:57

Pheeturu khukhana araka: “Weyo mwanankha! Miiyo akininjuwa ntthu aya oto.”