1 Yaahaya 1:3 - Hapari Zooshapweya

³ Fweeyo nawuuzani epile nooniyeezo na nisiiliyeezo, yoori na mweeyo mwiiyane osiilana na fweeyo, na osiilana weetthu ori khwa Paapa na Mwanawe Yinsa Al-Masiihu.

1 Yaahaya 1:3 Referans Kwoze

1 Akorintiyu 1:9

Nluku ti wa waamineya, othuuto ookhuweliyeenini khwa osiilana na Mwanawe Yinsa Al-Masiihu Mbwana eetthu.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Khaazi 4:20

Fweeyo khaninwahi olikha olupa epile nooniyeezo na nisiiliyeezo.”

Yaahaya 17:21

yoori ooshi eeye amote, nkhama etthiipo niriizo miiyo na weeyo, na yo ti eeye khwa fweeyo, yoori atthu a voolumwenku akhupali yoori weeyo weetta okiruma.

Afiliipu 2:1

Nkhama niri vamote na Al-Masiihu na fweeyo ninaaye olipiseliwa, na otumereliwa wa pheta, na osiilana wa Rooho, na mahapa a huruma,

2 Akorintiyu 13:14

Rehema ya Mbwana Yinsa Al-Masiihu, pheta ya Nluku na osiilana wa Rooho Ttakatthiifu wiiye vamote na mooshi mweeyo.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

1 Yaahaya 1:1

Niniwaatikhelani monkoni wa Nttakhuzi la ohaayi, nttinttho laariivo thanku waaza woolumwenku, ti othuutu ninsiiliyeeyo na nimooniyeeyo na maasho eetthu na ninsapiyeeyo na makhono eetthu.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Afiliipu 3:10

Kintakha onjuwa Al-Masiihu, owahi woosisimuwa wawe. Na kintakha oretta phantte nkatthi wa ohoowa wawe na kijirette wiiya nkhama ye ofwa wawe,

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Akoloosu 1:13

Ye anikaphula nkatthi wa oshintta wa yiiza khunittha muufwalume wa Mwanawe wompheta wawe,

Khaazi 20:27

Maana miiyo akilikheleleeni oweelezani niiya ya Nluku yooshi.

1 Yaahaya 1:5

Hapari ninsiiliyeeyo na khuufiselani mweeyo pi epo: Nluku nuuru, vakatthi vawe khiniiyavo hatha yiiza.

Meepereewu 2:12

Ye alupa yoori: “Kinteela olaleya nzina lawo vakatthi wa attwiizaku; kiwiipele siifwa vanthukumano.”

1 Timootiyu 6:2

Apale ariina Mbwana wa wiiya namalottela wa Yinsa, ahilikhe onshitahi maana ttwiiyaya. Okinoko waya ana ya owaakholela khaazi yooshapweya, maana apale ampatthelaaye fwayita khaazi etile ankholaaye yo mamuumini na pi oophetiwa. Mattakhuzi apa osomise na ohirimize.

Afiliipu 1:7

Ti ya shariya miiyo ojoona toowo monkoni wa mweeyo, nkhama etthiipo mwiriiye varoho vaka, hatha nkhama kiri mmakwinjili akifukiyeeyo, hatha kaakiselaka na kihakikhaka hapari zooshapweya, mooshi mweeyo mwinretta phantte na miiyo nrehema ya Nluku.

Ayeefezu 3:6

Eto enlupa yoori khwa hapari zooshapweya amalapo anrithi vamote parakha na meezirayiilu, maana atthu a mwiili mmote na anaaye phantte khwa etile Yinsa Al-Masiihu ahitiyeeyo nkatthi wa hapari zooshapweya.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

1 Atizaloonika 1:10

na onwejela mwanawe woolankha pinkuuni, othuuto ansisimuliyeeyo muufwa, Yinsa anniwerawerisaaye katapu enttelaaye ota.

1 Akorintiyu 15:1

Attwiizaku, kintakha kuukupuseleni hapari zooshapweya kuutafusireliyeenini, etthiipo mweeyo mwipwekheriyeeyo na etthiipo mwilipaniyeeyo.

Arooma 15:27

Aarina tuvela wa epo zaya na weekhweele ana sharuthi ya attakatthiifu a Yeruzaleemu. Maana, nkhama amalapo aretta phantte ya parakha ttakatthiifu ya mayaahuuti, ana ya owaarumeyela mayaahuuti theenya na maali zaya.

Khaazi 13:41

“ ‘Moone, mweeyo mwininveyisaaye Nluku, mwishanke na mwitapanyeye, maana siikhu zenu etthiipi kinlawa karette etthu, awuuziyeni ntthu khamwaari oteela waamini.’ ”

Khaazi 13:32

“Fweeyo na waatafusirela hapari zooshapweya, epile Nluku awaahitiyeeyo amarehemu apapazetthu,

Khaazi 2:42

Yo aari ooshututela masomi a maaswihaapa na osiilana, na oretta njampo la mwiili na taamu, na lompa.

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Zaapuura 22:22

Kintukhuru nzina lawo vakatthi wa attwiizaku na kinuusifu vanthukumano wa atthu awo.

Yaahaya 19:35

Otule ooniyeeyo vitthu zaya epo alawela oshaahiti, na oshaahiti awe pu wookhweele. Ye onjuwa yoori onlupa haakhi, na onlaza oshaahiti yoori na mweeyo mwikhupali.

2 Pheeturu 1:16

Weekhweele fweeyo khanaari olotta hantisi zoopankiwa saaneene wakathi naari owuuzanini monkoni wa owahi wa ota wawe Mbwana eetthu Yinsa Al-Masiihu; ila naari mashaahiti nooniyeeyo owula wawe.