1 Timootiyu 6:12 - Hapari Zooshapweya

¹² Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

1 Timootiyu 6:12 Referans Kwoze

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Timootiyu 1:18

Masomi atthaapo kinuutumerela weeyo mwanaka Timootiyu, nkhama khwa weyo yuulupeziyeezo Rooho Ttakatthiifu, wuupuwelaka mattakhuzi apa wuuziweeyo, onttela owahi wuumana viittha ya nnafusi,

2 Timootiyu 4:7

Koomana viittha yooshapweya, kamarisa otthira waka, kathokorela amini.

Othoonyeziwa 3:3

Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.

1 Timootiyu 6:13

Aphano, mmakhono wa Nluku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Ponsiyu Pilaatu, miiyo kinuuruma weeyo,

1 Yaahaya 2:25

Eti ahiti ye aniretteliyeeyo, ohaayi wa mileele.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

Akoloosu 3:15

Yoori heeri ya Al-Masiihu yeettettise rooho zenu, maana mweeyo mwakhuweliwa yoori mwiikhale khwa heeri nkhama kifunko za mwiili mmote. Na mwiiye atthu ooshukhuru.

1 Timootiyu 6:19

Khwa nanna ethiito antta wiiyana okhu ninttaawo akhipa yookhomaala, yoori apatthe ohaayi wa ookhweele.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

1 Pheeturu 3:9

Yootakhala mwihiriphe khwa yootakhala, wala mattukhano khwa mattukhano; olikha toowo mwijipu khwa mattakhuzi a parakha, maana mwakhuweliwa yoori mwirette etthiipo, yoori mwipwekherele parakha khwa erathi.

2 Atizaloonika 2:14

Ye ookhuwelelani ethiito khwa olaleya weetthu hapari zooshapweya, yoori mwipatthe siifwa ya Mbwana eetthu Yinsa Al-Masiihu.

2 Akorintiyu 9:13

Khwa wooneya wa khaazi eto mwinkholaaye, akina anlawa ansifu Nluku khwa oshututi onlokozaaye otukhuru yoori mweeyo mwinretta hapari za Al-Masiihu khwa winkha woohilikheleli weenu wa omeelana vitthu na yo na khwa akinoko aya ooshi.

Meepereewu 13:23

Kintakha mwijuwe yoori ttwiiyetthu Timootiyu alaamo nkalapooso; amana afiya okhuno woohirupazi, kintana othuuto oteela wuuthotolani.

2 Akorintiyu 6:7

khwa nttakhuzi la haakhi, na owahi wa Nluku; na zaana za shariya, zawuumanana na zoojaakisana;

Afiliipu 1:30

Nkhama etthiipo mwinuumanaaye viittha ethiito mwikooniyeeyo kuumanisaka na mwinsiila yoori nalelo kintta wuumana.

1 Timootiyu 1:19

ojilipisanaka amini na ojuwa othawula yooshapweya vakatthi wa yootakhala. Mwaasa woohitakhi othawula yooshapweya, atthu akina amini yaya apwetecha.

1 Timootiyu 4:14

Wakathi waattheeliweevo makhono pi attunkhulu a ojama wa Nluku veeshwa vawo oolompelaka, Nluku nkatthi wa Rooho Ttakatthiifu awinkha tthuvo. Ohisahawu orumeyela.

2 Timootiyu 2:2

Mattakhuzi okisiiliyeeyo vakatthi wa oshaahiti mwinkeene, owenkhe atthu awaamineya, anwahaaye owaasomisa atthu akina.

Yuuda 1:3

Aphetani aka, keeyaru pure wooshukulikhela owaatikhelani monkoni wa nusura niphakanyiyeeyo, koona yoori yaari ohithajiya owaatikhelani khwa wuutumerelani yoori muumane nkatthi wa amini swaafu moote khwa zooshi apweheliweeyo attakatthiifu.