1 Timootiyu 5:6 - Hapari Zooshapweya

⁶ Ila otule anjitupweezaaye nkatthi wa tuvela za olumwenku, hatha nkhama ori haayi oniiya woofwa.

1 Timootiyu 5:6 Referans Kwoze

Tiyaaku 5:5

Voolumwenku apha meekhazi enu pi oozuri, mwinretta etile mwintakhaaye na mwinneneva nkhama mompe enttelaaye oshijiwa.

Othoonyeziwa 18:7

Mwinhooshe womoopopisavo channu namashakha a waatta, nkhama nsiifwa na nraaha mphule ye ajitthiiyeemo. Khwa rooho yawe ye aari ojikhupali yoori: ‘Miiyo ki wa wiikhala nkhama rayisi, aki namafweliwa ti mannaka na akinteela woona theenya huzuni.’

Othoonyeziwa 3:1

“Khwa ojama wa Nluku wa Saariti waatikhe yoori: Apa mattakhuzi a otule ariina rooho sapa zininrumeyelaaye Nluku na matthottowa sapa. Kinjuwa zooretta zaya. Mweeyo mwinjuwaniwa wiiya haayi, ila mwafwa.

Luuka 15:24

Mwaasa yoori mwanaka otu aafwiiye, apha ori haayi; aashikhiye, apha apattikhana.’ Khwaaziwa njampo.

Luuka 15:32

Ila yaari ohithajiya oretta njampo la furaha, mwaasa yoori ttwiiyo aafwiiye apha ori haayi, aashikhiye apha apattikhana.’ ”

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Ayeefezu 2:1

Mweeyo mwaafwiiye mwaasa wa koosa zenu na twampi zenu.

Luuka 15:13

“Oviriyeevo wakathi vattitthiiru, mwaana otule nttiitthi khuthuula maali zawe epile aawanyeliweezo khulawa tuniya kiina ya woolepawo. Ottuukho khuharipu maali zawe epile khwa mwentto woololo.

Matewuzhu 8:22

Yinsa khujipu araka: “Okilotte, owaalikhe ananfwa azikhane atthaaporu.”

Akoloosu 2:13

Wakathi mweeyo mwafwiyeevo khwa twampi zenu na muuhikhiriyi wa mwiili enu, Nluku awinkhani ohaayi mpheya vamote na Al-Masiihu. Ye aniswaamihi koosa zeetthu zooshi,

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

Luuka 12:19

Nawiisha, kuuze nafusi yaka yoori: “Onaaye peewu na vitthu zawaatta zintoshelezaaye nyaakha zawaatta; ovumule, oje, onywe na ofurahi.” ’

Luuka 7:25

Ama moona niini? Mwinyi mmote awaliye kuwo zooshapweya? Moone, apale anwalaaye kuwo zootafikhana aniiya nraaha na aniikhala mmanyupa wa afwalume.

Luuka 16:19

“Aarivo mwinyi mmote wa thaajiri aari owalaaye kuwo zooshapweya na zootafikhana, na wakhula siikhu eetta opuha, owawe yaari wiipikhiwawo etthu yoojiwa yannofu.

Mwanzo 2:17

Ila muutthi opo woojuwisa yooshapweya na yootakhala ohije; siikhu onttelaaye oja satakithu ontta ofwa.”

2 Timootiyu 3:6

Pi atthaapo aniitelaaye mmanyupa khusala awuura aakha apale oottettheya ooshokheziwa ti twampi ankhupiwaaye ti wakhula nanna ya tuvela.