1 Timootiyu 5:5 - Hapari Zooshapweya

⁵ Muukha woofweliwa ti mannawe, woohiina ntthu wontthantta, nroromelo awe onttha wa Nluku, akhanyarele olompa avekaka waawunikha osikhu na nthana.

1 Timootiyu 5:5 Referans Kwoze

1 Timootiyu 5:3

Owaatthantte aakha oofweliwa pi amanna zaya, apale khweele ahina ntthu woowaatthantta.

Luuka 2:37

paata ya ofwa mannawe, khuhiraliwi mpakha opattha nyaakha thamaaniini na mine. Khaari olaamo Nnyupa Woosifwiwamo osikhu na nthana, khaazi yawe yaari omwaaputu Nluku khwa ofuka na olompa.

1 Pheeturu 3:5

Maana pi etthiipo theenya aari ojijirisaaye aakha ttakatthiifu araku, aari onroromelaaye Nluku. Yo aari ojinkha mmakhono wa amanna zaya,

1 Timootiyu 5:16

Muukha wa wiiya muumini amana eeyana jamaaye woofweliwa ti mannawe, ona ya ontthantta, ahilikhele ojama wa Nluku. Alikhe yoori owahi owaatthantta apale akina oofweliwa pi amanna zaya ahina ntthu woowaatthantta.

1 Akorintiyu 7:32

Yaari okituvela owoonani mwiri wootaphuliwa khwa tafwawuthi. Nlume otule woohilooli onjifwazana vitthu za Mbwana, khwa nanna ya ontuvelisa Mbwana.

Luuka 18:1

Yinsa khuwooza anakhiyoni awe nlikaniso mmote yoori aarina yoolompa woohilikheleli wala woohinyoonyeyi.

Ayeefezu 6:18

Wakhula wakathi mwisala mwilompa khwa Rooho Ttakatthiifu na ojeekesela woohilikheleli na mwiwaalompelaka attakatthiifu ooshi.

Luuka 18:7

Nluku khaniwaawanyela shariya ananthawuliwa awe apale aninvekelaaye osikhu na nthana? Mwinoona yoori ye onttela orupaza owaajipu?

1 Akorintiyu 7:34

Khwa nanna ethiito, aneettetta ari a waawanyeya. Waaza muukha woohiraliwi mpakha mwaari anjifwazana vitthu za Mbwana, yoori eeye attakatthiifu mmwiili na nroho. Ila wooraliwa onjifwazana vitthu za voolumwenku apha, khwa nanna ya ontuvelisa mannawe.

Arooma 1:12

Eto, ti yoori miiyo na mweeyo niiye woolipiseleya saaneene khwa amini.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

Khaazi 26:7

Ethiito mahimo apale khumi na mawiri, aari owejelaaye ansifwaka Nluku na rooho yaya yooshi osikhu na nthana. Oo mfwalume, mwaasa wa nroromelo otthuupo, ti kinlokovezeliwaaye vitthu, pi mayaahuuti.

Khaazi 6:1

Siikhu etthiipile eetta ovira ataaka mamuumini aari onlottaaye Yinsa, apale aari ottakhulaaye ekereeku atthaaporu aari owaattakhula mamuumini aari ottakhulaaye eheepere, mwaasa yoori anamafweliwa pi amanna zaya a phantte yaya etta osahawiwaka amana yaawanyiwaka etthu yoojiwa ya wakhula siikhu.

Khaazi 9:39

Pheeturu khulankha khulawa vamote na yo, noofiya khuthuuliwa khulawaniwa kaatthi etile ya vatulu. Anamafweliwa pi amanna zaya ooshi khunzukulela khusala alila na anthoonyezaka ajapi na kuwo kiina Dooroka aasoniyeezo ari vamote na yo.

Khaazi 9:41

Khunkholela nkhono khunlansa khweemela, aphano khuwaakhuwela anakhiyoni na anamafweliwa pi amanna zaya apale khuwenkha ari haayi.

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

1 Timootiyu 2:1

Apho, ehinarettiwe hatha etthu, kinuuhirimizani olompa; lompa yookhola moolu, yoovekeleliwa anaatamu ooshi na lompa yooshukhurwela.

2 Timootiyu 1:3

Kininshukhurwela Nluku othuuto kininrumeyelaaye khwa niiya yooshapweya, nkhama etthiipi anrumeyeliyeezo amarehemu apapazaku, na kinuufikhirini mweeyo amana kilompaka osikhu na nthana.