1 Timootiyu 5:21 - Hapari Zooshapweya

²¹ Miiyo kiniwuuza kuulipiselaka channu mmakhono wa Nluku na Yinsa Al-Masiihu na malayikha apale oothawaziwa, kuutumerelaka yoori mattakhuzi apa oshututele, ohiinanelaka wala ohinthawulaka hatha ntthu.

1 Timootiyu 5:21 Referans Kwoze

2 Pheeturu 2:4

Maana Nluku kheenaneliye malayikha apale akosiyeeyo, ila eeselela motthooni, khufukela nkhilintti wooripamo yoori apwehe mpakha siikhu ya ophukiwa.

2 Timootiyu 4:1

Omaasho wa Nluku na wa Yinsa Al-Masiihu, anteelaaye owaaphuka atthu awoona na ananfwa, khwa ojithoonyeza wawe na ofwalume awe, miiyo kinuutumerela toono:

1 Timootiyu 6:13

Aphano, mmakhono wa Nluku otule aninkhaaye ohaayi zumpe zooshi, na mmakhono wa Yinsa Al-Masiihu, otule alaziyeeyo oshaahiti wooshapweya wa tukhuru omaasho wa Ponsiyu Pilaatu, miiyo kinuuruma weeyo,

Yuuda 1:6

Mwifikhiri malayikha apale ahithokoreleeni puuro yaya ya ofwalume, ila khwanswi meekhazi aya, Nluku awaapweha nhali wooripamo na khuwaafukana makwinjili a mileele mpakha siikhu ya ophukiwa.

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

2 Akorintiyu 5:16

Khwa etthiipo, waaza nasaapi mpakha ninttaawo, khaavo theenya ninintthanttaaye na shawuri za onaatamu, na hatha raku Al-Masiihu nanjuwa khwa nanna ethiito, ila nasaapi eti khanininjuwa toowo.

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Othoonyeziwa 14:10

theenya onnywa viinyu ya okatipukha wa Nluku yiittikhiyeeyo yoohipakanyaniwi hatha etthu njiikira ya katapu yawe. Anlawa oopopisiwe na oka wookholela omaasho wa malayikha ttakatthiifu na wa Pwittipwitthi.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

1 Atizaloonika 5:27

Omaasho wa Mbwana, kinuukhanyarelani mweeyo osoma warakha eti khwa attwi ooshi.

Luuka 20:21

Yo khusala amuuzela yoori: “Mwaaliimu, fweeyo najuwa yoori onttakhula na onnozela epile ziiyiyeeyo za shariya, ninjuwa yoori khuninthawula ntthu, ila onnozela tarikhi ya Nluku khwa haakhi.

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Luuka 9:26

Otule anikoonelaaye haaya miiyo na mattakhuzi aka, na Mwaana wa Pinaatamu onteela omoonela haaya amana ataaka nsiifwa mwawe na nsiifwa wa Paapa na malayikha ttakatthiifu.