Biblia Todo Logo
Bib sou entènèt

- Piblisite -




1 Timootiyu 5:10 - Hapari Zooshapweya

10 Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Gade chapit la Kopi




1 Timootiyu 5:10
42 Referans Kwoze  

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.


Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.


Yoope aariwo nakhiyoni wankha aari wiitthiwaaye Tabita, khwa luuka ya ekereeku enriwa Dooroka. Ye aari oretta vitthu zooshapweya na winkha zimola.


Owaakupusele attwi ooshi yoori ana ya owaashututela apale alokozeliyeeyo na afwalume, eeye anamashututi oolikana, anamaretta zooshapweya wakhula wakathi,


Khwa zooshi, weeyo wiiye nthoonyezo khwa yo, orettaka vitthu zooshapweya. Amana osomisaka wiiye weekhweele na woolotteya.


yoori ntthu wa Nluku eeye khaamili na woolikana khwa khaazi zooshi zooshapweya.


Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.


Ye khumuuza Simawu anthoonyezaka muukha otule araka: “Onimoona mwanankha otu? Miiyo kata vaje vawo apha khuhikinkhi hatha maati yoori koose moolu aka, ila ye oosa moolu aka na mishozi zawe khukukuttha na nyuuli zawe.


Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.


Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.


okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.


Mwihisahawu wiiya atthu omakeleya, maana atthu akina, aamakeliwe pi malayikha yo woohijuwi.


Nina yoojalina mmote na nzeetthu yoori nilipiselane nkatthi wa pheta na oretta vitthu zooshapweya.


Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.


Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.


Khulawa khweemela onyoko wa Yinsa nshini wa moolu awe, khusala alila. Mishozi zawe khusala zittonkela moolu a Yinsa. Khusala akukuttha na nyuuli zawe na opejari moolu a Yinsa avaazaka mafuttha oonukhela.


Mwiikhale vamwiivuuli wa muutthi opu mwivumule, antta otiisiwa maati vattitthiiru moose moolweenu,


Ooshi aninlupeza mwentto wooshapweya Temeetiriyu; hatha haakhi ethiito enlawela oshaahiti khwa zwaamu yawe. Na fweeyo ninlawela oshaahiti, na weeyo onjuwa yoori oshaahiti eetthu pu weekhweele.


Mwiiye atthu oomakeleya, woohijilizi khwa hatha etthu.


Maana weeyo thanku osimaana awo onjuwa Zawaatikhiwa Ttakatthiifu, ziriina owahi woowinkha ojuwa onuufisaaye nnusura monkoni wa amini khwa Yinsa Al-Masiihu.


Amana ntthu ajitwaharesha khwa vitthu zaya epo, oniiya yoopo ya shitaha yoottakasiwa, ya maana khwa Mbwana na yootthenkeziwa khwa khaazi zooshi zooshapweya.


Kinfwahamu amini yawo ya ekhweele, ethiito piipi awo Looyiti na Ewuniisi mamaawo aarinaaye, kinkhupalela yoori ti ethiito eriiye khwa weeyo.


Khwa nanna ethiito naye khaazi zooshapweya zinooneya, hatha epile zoohooneyi khazinwahi ojivitha.


oshapweya waya wiiye wa khaazi zooshapweya nkhama aakha animwaaputwaaye Nluku.


Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.


Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.


“Aariwo Mwinyi mmote wa ntiini aari wiitthiwaaye Ananiiya, wooshututela kano za Munsa na wooshitahiwa pi mayaahuuti.


Yo khujipu yoori: “Fweeyo neetta orumiwa ti namalokozela wa anajanka aniitthiwaaye Koroneele. Ye ntthu wa shariya na woomoova Nluku na ntthu wooshitahiwa pi atthu ooshi a Yudeya. Nlayikha limote ttakatthiifu ti limuuziyeeyo yoori onkhuwele olawe owawe asiile mattakhuzi onlalelaaye.”


Pheeturu khulankha khulawa vamote na yo, noofiya khuthuuliwa khulawaniwa kaatthi etile ya vatulu. Anamafweliwa pi amanna zaya ooshi khunzukulela khusala alila na anthoonyezaka ajapi na kuwo kiina Dooroka aasoniyeezo ari vamote na yo.


Attwiizetthu, mwiwaathawule vakatthi venu alume sapa ooshitahiwa, anaakhili, awiitaala Rooho Ttakatthiifu, yoori niwenkhe khaazi eto,


Attaaphale Labani khusala alawa na karumeya otule mpakha owawe. Khwiishushiwa mapwattha va enkamiiya epile na khwinkhiwa nyaani yoori zije, na karumeya otule khwinkhiwa maati yoori oose moolu awe na atthu apale aarinaaye.


Khuwooza yoori: “Ambwana zaka safwatali, kintakha mwisapuwe owaka miiyo karumeyeenu; moose moolweenu na mwilale, mwilawe meesho supuyeene.” Yo khujipu yoori: “Khinihithajiya, fweeyo ninwahi olala vaparasa.”


Muukha wa wiiya muumini amana eeyana jamaaye woofweliwa ti mannawe, ona ya ontthantta, ahilikhele ojama wa Nluku. Alikhe yoori owahi owaatthantta apale akina oofweliwa pi amanna zaya ahina ntthu woowaatthantta.


Apho, namalokozela wa ojama wa Nluku eeye ntthu wooshitahiwa pi atthu apale ohiiyi a ojama wa Nluku, yoori ahikwele mmiraakho za sheethwani eeya wootaraweya.


Nawiisha khuwaathuula khuwaavirisa nnyupa wa Yuusufu, khuwenkha maati khoosa moolu aya na khwinkha etthu yoojiwa apuuru aya.


Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.


Otule aariina mizurukhu milikhi piiri khupattha milikhi piiri teenya.


Swiv nou:

Piblisite


Piblisite