1 Timootiyu 5:1 - Hapari Zooshapweya

¹ Nlume wa wuuziti owula ohisala ommaruwela, ila onlipisele saana nkhama papaawo, mashaapu nkhama attwiizo,

1 Timootiyu 5:1 Referans Kwoze

Tiitu 2:2

Owaasomise alume awuuluvala yoori eeye atthu oojiitthaaza, ooshitaheya, aakhili, na okhomaala nkatthi wa amini, mpheta na oovilela.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

Akaalata 6:1

Attwiizaku, amana ntthu asikaniwa ntwampi, mweeyo mwiriina Rooho ya Nluku, mwina yonlikhisa wa emaanivo. Ila ojiinanele yoori na weeyo theenya ohizayiniwe.

Tiitu 2:6

Khwa nanna ethiito, owaalipisele mashaapu yoori eeye atthu oojiitthaaza.

Matewuzhu 23:8

Mweeyo mwihiitthiwe yoori Mwaaliimu, maana Mwaaliimu enu mmote paasi, mweeyo mooshi mwa attwi.

1 Timootiyu 5:17

Anamarumeyela ojama wa Nluku apale ankholaaye khaazi saana, haaswa haaswa apale antafusiraaye na apale ansomisaaye, ojama wa Nluku ona yoowaashitahi swaafu piiri.

Arooma 13:7

Mwimwinkhe wakhula ntthu etile eninsuhaaye: Nkhama lumpuru, mwiriphe lumpuru, nkhama oshokholeza, oshokholeze; nkhama woova, moove; nkhama onhishimu, onhishimu.

Khaazi 15:4

Wakathi afiiyeevo Yeruzaleemu, khupwekhereliwa ti ojama wa Nluku, attunkhulu a ojama wa Nluku na maaswihaapa, khuwaathatelela vitthu zooshi Nluku awaaretteliyeezo yo.

Khaazi 14:23

Paawulu na Baranabe khusala awaathawula attunkhulu a ojama wa Nluku na owaattha wakhula ojama wa Nluku. Noowaalompela noofuka anvekelaka Mbwana othuutule yo ankhupaliyeeyo.

Othoonyeziwa 4:4

na nkerekhere wa khukulu zaarimo khukulu kiina eshiriini na nne, na kiwoona eekhaliyevo attunkhulu a tiini eshiriini na wane. Yo awaliye kuwo zoolakala na mmwishwa arina jarata za weero.

3 Yaahaya 1:1

Miiyo, namarumeyela, kinimwaatikhela mphetani aka Kaayu, otule kinimphetachaaye weekhweelevo.

2 Yaahaya 1:1

Miiyo, namarumeyela, kinimwaatikhela nunu woothawuliwa na aana awe, apale miiyo kiniwaaphetaaye weekhweelevo, khahiyo miiyo paasi, ila ooshi apale anjuwaaye haakhi,

Tiyaaku 5:14

Na eeyavo nlwele mwiwaakhuwele attunkhulu a ojama wa Nluku anlompele na anvaaze mafuttha khwa nzina la Mbwana.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

Khaazi 20:17

Noofiya Miletu, Paawulu khuruma olawa okhuweliwa attunkhulu a ojama wa Nluku a sitati ya Eefezu.

Khaazi 15:6

Maaswihaapa apale na attunkhulu a ojama wa Nluku khukusanyeya yoori amanyamanye mattakhuzi aya apale.

1 Timootiyu 5:2

aakha a wuuziti owula nkhama amamazo, na aamwari nkhama alupuwo wookemaanivo.