1 Timootiyu 4:12 - Hapari Zooshapweya

¹² Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

1 Timootiyu 4:12 Referans Kwoze

Tiitu 2:7

Khwa zooshi, weeyo wiiye nthoonyezo khwa yo, orettaka vitthu zooshapweya. Amana osomisaka wiiye weekhweele na woolotteya.

2 Timootiyu 2:22

Otthire tuvela za oshaapu weekese olotta shariya, amini, pheta na heeri, vamote na apale ariina rooho yooshapweya aninkhuwelaaye Mbwana.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

1 Pheeturu 5:3

Mwihijirette wiiya anamashintta wa apale mwiniwaalokozelaaye ila mwiiye nthoonyezo wa liphanko laya nttho.

1 Akorintiyu 11:1

Mwikeezele miiyo, nkhama etthiipo miiyo kinimweezelaazo Al-Masiihu.

1 Atizaloonika 1:6

Weekhweele mweeyo mwaretteya wiiya atthu mwinneezelaaye fweeyo na khwa Mbwana, maana, mwahoowaru pure, mwapwekherela nttakhuzi na furaha entaaye khwa Rooho Ttakatthiifu.

Tiitu 2:15

Pi vitthu oriina ya osomisa, owaalipiselaka owaashoweraka na ofwalume. Woohitarawiwi ti hatha ntthu.

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

2 Timootiyu 2:7

Opheleleze zooshi kinlupaazo, maana Mbwana onteela owinkha weeleyiwa khwa vitthu zooshi.

Tiyaaku 3:13

Paani ariina akhili na weeleyiwa vakatthi venu? Ti athoonyeze wooshapweyavo khwa khaazi zookholiwa woojipushuwisavo zoolankha muujuwa.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

1 Atizaloonika 2:10

Waaza Nluku mpakha mweeyo mwaamashaahiti khwa nanna ttakatthiifu neettettiyeeyo, washariya na woohishowereyi khwa mweeyo mwikhupaliyeeyo.

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.