1 Timootiyu 3:3 - Hapari Zooshapweya

³ Ahiiye ntthu woohapaliwa ama woohusuti, eeye ntthu wookemaani na wa heeri. Ahiiye ntthu wontuvela nzurukhu.

1 Timootiyu 3:3 Referans Kwoze

Tiitu 1:7

Mwaasa wa wiiya namapweheliwa wa khaazi ya Nluku, nttunkhulu nwulu wa ojama wa Nluku ona ya wiiya ntthu woohiina paathuli, woohijikhupali, woohiwalaali, woohihapaliwi, woohihusuti, wala wontuvela fwayita yohiiyi ya shariya.

Tiitu 3:2

ahinttakhule ntthu wootakhalavo, eeye oonyamala, oopheta, okemaani na asala athoonyeza ojipushuwisa khwa anaatamu ooshi.

Ayeefezu 5:18

Mwihinywe viinyu. Ohapaliwa ontotha pala, ila mwilikhe Rooho Ttakatthiifu ewiitaaleni.

1 Timootiyu 3:8

Khwa nanna etthiipo anamarumeyela a ojama wa Nluku na yo eeye atthu ooshitahiwa, ahiiye amwanomwaano, ahiiye oohapaliwa wala oowaatuvela opattha fwayita yohiiyi ya haakhi.

Tiyaaku 4:1

Ohisiilani na onyakulisana vakatthi venu onlankha vayi? Khahi mwaasa wa tuvela zinuumanaaye nkatthi mweenu?

1 Pheeturu 5:2

Mwishuke liphanko la Nluku mwinkhiweeyo otthantta saana, khahiyo khwa okhanyareliwa, ila khwa niiya yooshi nkhama Nluku antakhaazo. Mwihirette khwa omaashokopho, ila khwa niiya ya orumeya.

Meepereewu 13:5

Mwaattuwanise ohaayi enu pheta ya nzurukhu. Mwifurahele vitthu epile mwiriinaazo; maana Nluku mweenyeweene alupa yoori: “Miiyo akinteela wuulikhani na wala akinteela owaanswini.”

Tiitu 2:3

Na aakha apale awuuluvala owaasomise etthiipo eeyane meekhazi oolotteya, ahiiye atthu oowaatuvela wuumani wala oohapaliwa, ila yo asomise etile yiiyiye yooshapweya.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Yuuda 1:11

Otakhaliwa pu waya! Maana anlottela tarikhi ya Kayiini. Mwaasa wa nzurukhu, yo ajittha nkatthi wa vitthu zoovonyeya za Palaawu, na atapanyiwa muukhijili wa Koora.

2 Pheeturu 2:3

Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

Tiitu 1:11

Enihithajiya owaanyamaza, maana antta owaatapanya ajama ooshi, asomisaka vitthu zoovonyeya, yoori asala apatthela nzurukhu wakhula nanna.

1 Atizaloonika 5:14

Ninuutumerelani mweeyo attwiizetthu, yoori mwiwaahirimize anamaviliwa, mwiwaalipisele apale ooshokhera, na mwiwaawuni apale ootteettheya, mwiwaavilele atthu ooshi.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Khaazi 20:33

Miiyo akilazeleeni omaashokopho feeta, wala weero, ama kuwo zawatthu.

Matewuzhu 21:13

Khuwooza araka: “Yaatikhiwa yoori: ‘Nyuupa yaka enttela wiitthiwa nyuupa yoolompiwamo’, ila mweeyo mwaretta wiiya puuro ya manantarawu.”

2 Timootiyu 3:2

Atthu anttela wiiya amiiko, ookhwiririwa, oojittottopa, oojikhupali, ookufuru, owaakhijilela apaapa zaya, oohishukhuru na makaafiri,