1 Timootiyu 3:16 - Hapari Zooshapweya

¹⁶ Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 3:16 Referans Kwoze

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Luuka 24:4

Khwiiya oozinkuwa venkivene, attaaphale khuwaapuwelela atthu awiri awaliye kuwo zawaara.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

1 Yaahaya 1:2

Ohaayi wajithoonyeza; fweeyo noona na ninlawela oshaahiti na nawuuzani mweeyo monkoni wa ohaayi wa mileele, aariina Paapa na nathoonyeziwa.

1 Pheeturu 3:22

aweliyeeyo pinkuuni na ori nkhono nlume wa Nluku; ye onlokozela malayikha, ofwalume na owahi wooshi.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

Akoloosu 2:2

Kinjilipisa yoori yo eeye ookhomaaziwa nroho mwaya, akusanyeye khwa pheta na apatthe maali zooshi za weeleyiwa wookhamilikha, yoori ajuwe saaneene siiri ya Nluku, yoori ti Al-Masiihu.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Luuka 22:43

Aphano khumpuwelela nlayikha la pinkuuni khusala linlipisela.

Matewuzhu 3:16

Yinsa nawoosiwa, khuvuuwa, nasaapiru pinku khufukuwa, khoona Rooho Ttakatthiifu yiishukhaka nkhama jiwa khummorela.

1 Yaahaya 3:5

Na mweeyo mwinjuwacha yoori Yinsa aateeliye opakusa twampi zeetthu, na khwa ye khiniiyavo twampi.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

1 Timootiyu 3:9

Eeye atthu oohikheetiwi pi rooho zaya na oojilipisana mwentto wa amini athoonyeziweeyo ti Nluku.

Yaahaya 20:12

Khoona malayikha mawiri awaliye kuwo zoolakala, eekhaliye aphale waariivo mwiili wa Yinsa, mmote ovishwa nkina omoolu.

Matewuzhu 1:23

“Mwaari onteela wiimittha ampatthe mwaana, anttelaaye wiittheliwa nzina la Emanuweele, enlupaaye yoori ‘Nluku ona fweeyo’.”

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.

1 Pheeturu 1:20

Ye athawuliwa ti Nluku khapulathi olumwenku ohinompiwe, ila khuthoonyeziwa wakathi opu wa mwiisho khwa zwaamu yenu mweeyo.

Meepereewu 7:7

Khayiivo hatha shaakha nsimaana oparikhiyiwa ti nttunkhulu.

Ayeefezu 6:19

Na theenya mwikilompele yoori amana kittakhulaka kipatthe ominyala na kisala kinkhiwa mattakhuzi aya, yoori ejuwiwe siiri za hapari zooshapweya.

Ayeefezu 1:9

Aretta etile atthomiyeeyo na anithoonyeza shawuri za siiri aalakeliyeeyo oretta khwa Al-Masiihu,

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

1 Akorintiyu 15:47

Pinaatamu wamwanzo aari wa ottophe wa vathi; pinaatamu wa phiiri ari wa pinkuuni.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

Arooma 10:18

Ila miiyo kinuuzela yoori: Yo khasiileeni? Khweele pi etthiipo asiila, nkhama etthiipo enlupaazo Zawaatikhiwa Ttakatthiifu yoori: “Olumwenku wooshi yasiileya huula yawe, na mattakhuzi awe mpakha okhu wiisheliyeewo olumwenku.”

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

Akaalata 2:8

Maana Nluku anrettiye Pheeturu wiiya aswihaapa wa apale ookhiriya ti othuuto theenya akirettiyeeyo miiyo wiiya aswihaapa wa amalapo.

Arooma 9:5

Yo ojama wa amarehemu apapazetthu, na khwa yo pi olankhiyeevo ntathaari wa onaatamu wa Al-Masiihu, othuuto eeyiye Nluku vatulu wa vitthu zooshi, anlupiwaaye wooshapweyavo khwa mileele! Amiina!

Khaazi 10:34

Pheeturu khwaaza ottakhula araka: “Aphano, enikeeleya saaneene yoori Nluku atthu ooshi oniwoonela sawasawa,

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

Khaazi 14:27

Noofiya Antiyookiya okhule, khuwaakusanya atthu apale a ojama wa Nluku khusala owooza zooshi epile Nluku aarettiyeeyo khwa yo na nanna aafukuliiyezo milako za amini khwa amalapo.

Yaahaya 16:28

Kalankha wa Paapa khuta voolumwenku; nakataalikha, kinlaavo voolumwenku kirutele wa Paapa.”

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Luuka 24:51

Awaaparikhiyaka etthiipile, khuwaasusa khuweziwa pinkuuni.

Othoonyeziwa 17:7

Aphano nlayikha khukuuza yoori: “Mwaasa wa niini oshankaka? Miiyo kintta oweeleza siiri zootikinisa za muukha otu na nyama yawoopisa eti aapakhiriyeeyo, eriina viishwa sapa na manyaka khumi.

Othoonyeziwa 17:5

Vaajihi vawe, laatikhiwevo nzina la siiri zootikinisa: Babilooniya, Khuulu; Maama wa Amalempe, na namaretta zoojafu za va Tuniya.

Meepereewu 8:1

Etthu yootafikhana ninlupaaye tiiti: ninaaye haakhimu nwulu wa tiini othuuto eekhaliyeeyo pinkuuni nkhono nlume wa khukulu ya Nluku wa owahi zooshi.

2 Atizaloonika 2:7

Weekhweele siiri zoovitheya za vitthu zootakhala entta okhola khaazi, ila yoori zooshi zirettikhane eninhithajiya olaavo otule ankhattazaaye.

2 Atizaloonika 1:10

Epo enttela orettikhana siikhu antaaye, oteela ottitthimisiwa khwa attakatthiifu awe, na oshankeliwa khwa apale ooshi aninkhupalaaye, vamote na mweeyo mwikhupaliyeeyo oshaahiti eetthu.

Khaazi 1:19

Mpakha atthu ooshi a Yeruzaleemu khujuwa. Aphano lipuwa ntthile khutthajiwa nzina khwa luuka yaya Akelataama, liriina maana a Lipuwa la Taamu.)

Yaahaya 17:5

Na, nasaapi eti, okittitthimise oo Paapa, vamote na weeyo khwa siifwa kaarinaaye na weeyo khapulathi olumwenku ohineeyevo.

Yaahaya 15:26

“Ila, amana ata Namalipisela, otule kinttelaaye wuuperekhezani woolankha phantte ya Paapa, Rooho ya ookhweele ya olankha wa Paapa, ye onttela olaza oshaahiti monkoni wa miiyo.

Yaahaya 6:62

Khi enttela wiiya toovi amana mwimoona Mwaana wa Pinaatamu arutelaka okhu alankhiyeewo?

Luuka 2:32

Ye nuuru ya omwasikhela khapila zooshi za amalapo na siifwa ya atthu awe a Ezirayiilu.”

Maaruku 16:5

Aviriyeevo nkhapuri mphule, khumoona shaapu awaliye kuwo zoolakala eekhaliye nkhono nlume, na khwiiya awoova.

Maaruku 1:13

Nttumpho eekhaliyeemo siikhu arupayiini, eettaka ozayiniwa ti Epiliisi. Ye aari vakatthi wa nyama za ntthuttu, khuta malayikha oteela onrumeyela Yinsa.

Matewuzhu 28:2

Aphano khupuwa esikinyaatthi khuluyeene, maana nlayikha la Mbwana leetta wiishukha pinkuuni khuta mpakha vakhapuri khususisa liwe ntthile laafukaniweeyo khwiikhalela.

Matewuzhu 13:11

Ye khuwaajipu: “Mweeyo mwenkhiwa ojuwa siiri za ofwalume wa pinkuuni, ila yo wala.

Matewuzhu 4:11

Aphano Sheethwani khumwaattuwa, khuta malayikha oteela onrumeyela.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Arooma 10:12

Khawiivo ofwarikhana khwa mayaahuuti na amalapo, maana Mbwana othuuto mmote ti Mbwana wa atthu ooshi na oniwaaparikhiya saaneene ooshi apale aninkhuwelaaye,

Arooma 3:4

Hatha vattitthiiru! Eeye Nluku weekhweele, na ntthu wooshi woohata. Nkhama yaatikhiweezo: “Yoori wiiye woohakikhiwa khwa mattakhuzi awo na oshintte amana olokoveziwaka.”

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

2 Akorintiyu 1:19

Maana mwaana wa Nluku, Yinsa Al-Masiihu atafusiriweeyo vakatthi venu ti miiyo, na Siila mpakha Timootiyu khayaari “aaa” na “wala”, ila khwa ye wakhula wakathi yaari “aaa”!

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

Luuka 20:44

“Nkhama Daawuuda onimwiittha Al-Masiihu yoori Mbwana, enrettikhana toovi wiiya mwanawe?”