1 Timootiyu 3:15 - Hapari Zooshapweya

¹⁵ ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

1 Timootiyu 3:15 Referans Kwoze

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

1 Atizaloonika 1:9

Maana atthaapo anthatela nanna mweeyo mwinipwekhereliyeezo, na nanna mwiruteliyeezo mmakhono wa Nluku, khulikha sanamu yoori mwinrumeyele Nluku wa ohaayi na weekhweele,

Akaalata 2:9

Aphano Tiyaaku, Pheeturu na Yaahaya aakhupaliweeyo wiiya anamalokozela, ajuwiyeevo rehema enkhiweeyo ti Nluku, khookoleliwa nkhono nlume, miiyo na Baranabe nkhama alama ya osiilana. Khukhupalela yoori fweeyo ninttela okhola khaazi vakatthi wa amalapo na yo vakatthi wa apale ookhiriya.

Arooma 3:2

Zawaatta, khwa nanna zooshi onaaye fwayita, maana weekhweele mayaahuuti pi yo enkheleliweeyo nttakhuzi la Nluku omwanzo.

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Arooma 9:26

“zinteela onrettikhana yoori puuro ethiito muuziweeyo yoori: ‘Mweeyo khahi atthu aka’, yo anteela wiitthiwa yoori ‘aana a Nluku wa ohaayi.’ ”

Khaazi 1:2

mpakha siikhu aweziweevo pinkuuni. Khuwenkha oruma khwa owahi wa Rooho Ttakatthiifu maaswihaapa awathawuliyeeyo.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Matewuzhu 18:18

“Kiniwuuzani khweele yoori, zooshi epile mweeyo mwinfukaaye vathi apha, ziniiya zoofukiwa pinkuuni, na zooshi mwinfukulaaye vathi apha na pinkuuni ziniiya zoofukiwa.

Othoonyeziwa 7:2

Na khoona nlayikha likina liwelelaka lintthamuwaawo njuwa, liriina ephariselo ya Nluku ariiye haayi. Ye khukuwela na huula yoosileya malayikha apale mane, atthaapo enkhiweeyo owahi wa oharipu tuniya na pahari:

Meepereewu 12:22

Ila mweeyo mwafiya vamwaako Siyoni na sitati ya Nluku wa ohaayi, Yeruzaleemu ya pinkuuni, ariiwo malayikha oohalakeyi ottuukho aathukumaniyeeyo na furaha,

Meepereewu 3:12

Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

1 Timootiyu 6:16

Ye otthwe khanfwa na oniikhala nnuuru ehinaattameyaaye, khina anamoone, wala anwahaaye omoona. Ottitthimisiwa wiiye wawe na owahi khwa mileele. Amiina.

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

1 Timootiyu 3:2

Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

Ayeefezu 4:21

nkhama khweele mwasiila alupiwaka na khusomisiwa khwa haakhi eriiyeeyo wa Yinsa.

Akaalata 3:1

Oo alolo Akaalata! Paani oolowiyeenini? Yinsa Al-Masiihu aasaruleliwe omaasho weenu khukhomeliwa vansalapa!

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

Khaazi 14:15

araka: “Mweeyo, niini epi zaya mwinrettaazo? Fweeyo na anaatamu nkhama mweeyo. Ila nootiseliyeni hapari zooshapweya, zinlupaaye yoori mwilikhe oretta vitthu zoohiina maana mwirutela olottela mwentto wa Nluku wa ohaayi, otule ompiyeeyo pinku na vathi, pahari na vitthu zooshi ziriiye va olumwenku.

Yaahaya 6:69

Fweeyo ninkhupalela na ninjuwa yoori o Ttakatthiifu wa Nluku.”

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

2 Timootiyu 2:20

Nyuupa khuluyeene eniiyamo zoopo, ila khahiyo paasi za weero na feeta, ila theenya za thaapwa na za mattophe; kiina za shitaha kiina zohiiyi za shitaha.

1 Timootiyu 3:5

Nkhama ntthu khaneettettisa saana vaje vawe, onlokozela toovi ojama wa Nluku?

2 Akorintiyu 6:7

khwa nttakhuzi la haakhi, na owahi wa Nluku; na zaana za shariya, zawuumanana na zoojaakisana;

2 Akorintiyu 3:3

Mweeyo mwathoonyeza yoori mwa warakha ya Al-Masiihu, fwayita ya khaazi yeetthu yoohaatikhaniwi wiino, ila khwa Rooho ya Nluku haayi; yoohaatikhiwi va lipawu la liwe, ila va lipawu la rooho za anaatamu.

Yaahaya 18:37

Aphano Pilaatu khulupa yoori: “Khupe weeyo o mfwalume.” Yinsa khunjipu yoori: “Weeyo ti onlupaaye yoori ki mfwalume. Miiyo kavokoleliwa ethiito na ti ethiito ekitaniyeeyo voolumwenku, yoori kite kilawele oshaahiti wa haakhi. Wakhula otule eeyiye wa haakhi onsiila huula yaka.”

1 Akorintiyu 3:16

Mweeyo mwinjuwa yoori mwa Nyuupa ya Nluku na Rooho ya Nluku eniikhala khwa mweeyo.

1 Akorintiyu 10:32

Ehiretteye wiiya etthu ya okwakwanttula wala khwa mayaahuuti wala akereeku ama ojama wa Nluku.

1 Timootiyu 3:14

Kiniwaatikhela weeyo Timootiyu warakha eti, keekeselaka oteela wuuthotola nasaapi,

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Meepereewu 10:21

Khwa etthiipo ninaaye haakhimu nwulu wa tiini waweettettisa nyuupa ya Nluku,

1 Pheeturu 4:17

Maana wafiya wakathi wa waaziwa ophukiwa nyuupa ya Nluku, na nkhama enaaza khwa fweeyo, onttela wiiya woolipa mwiisho wa apale ahinshututelaaye hapari zooshapweya za Nluku.