1 Timootiyu 3:13 - Hapari Zooshapweya

¹³ Amana arumeyela saana ampattha shitaha khuluyeene na okhomaala nkatthi wa amini ariinaaye na Yinsa Al-Masiihu.

1 Timootiyu 3:13 Referans Kwoze

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

2 Timootiyu 2:1

Nakataalikha weeyo mwanaka, ojikhomaaze nrehema eriiye khwa Yinsa Al-Masiihu.

1 Atizaloonika 2:2

Neeyiyeru pure woohikholiwi saana na ottukhaniwa sitati ya Filiipu, nkhama mweeyo mwinjuwaazo, khwa awuni ya Nluku naarina ominyala wa olaleya hapari zooshapweya za Nluku khwa mweeyo, vakatthi wa viittha ya waatta.

Afiliipu 1:14

Attwi enkeene, nawoona yoori kiri nkalapooso, yo apattha olipiseleya nwulweene khwa Mbwana. Etthiipo anvira alaleyaka woojilakelelavo na woohoovi nttakhuzi la Nluku.

1 Akorintiyu 16:15

Mweeyo mwinjuwa yoori ojama wa owawe Shiteefanu pi atthu amwanzo a nti wa Akaaya okhupalela amini na ojinkha nkatthi wa khaazi ya attakatthiifu.

Khaazi 21:35

Wakathi afiiyeevo vashikatta, anajanka aarina ya omweerekha mwaasa wa husuti ya khuntti ya atthu.

Khaazi 6:15

Wakathi amwekesiyeevo, ooshi apale eekhaliyeeyo nyuupa khuulu ya Mashawuriiya khusala oona wuuso awe wuupuwaka nkhama wa nlayikha.

Khaazi 6:8

Shiteevawu ntthu wawiitaala rehema na owahi, aari oretta vitthu zootikinisa na alama khuluzeene vakatthi wa atthu.

Khaazi 6:5

Mattakhuzi apale khuwaatuvela ooshi aya, khunthawula Shiteevawu, nlume wa waamineya na wawiitaala Rooho Ttakatthiifu, na Filiipe, Porokoro, Nikanore, Timomu, Parimenashi na Nikolawu, otule asilimweliyeeyo oyaahuuti wa nti wa Antiyookiya.

Luuka 19:17

“Mbwanaawe khunjipu yoori: ‘Waretta saana, o karumeya wa waamineya. Mwaasa yoori weeyo waamineya khwa vitthu vattitthiiru, apho onttela wiiya mfwalume wa sitati khumi.’

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

1 Timootiyu 3:14

Kiniwaatikhela weeyo Timootiyu warakha eti, keekeselaka oteela wuuthotola nasaapi,