1 Pheeturu 5:2 - Hapari Zooshapweya

² Mwishuke liphanko la Nluku mwinkhiweeyo otthantta saana, khahiyo khwa okhanyareliwa, ila khwa niiya yooshi nkhama Nluku antakhaazo. Mwihirette khwa omaashokopho, ila khwa niiya ya orumeya.

1 Pheeturu 5:2 Referans Kwoze

Tiitu 1:7

Mwaasa wa wiiya namapweheliwa wa khaazi ya Nluku, nttunkhulu nwulu wa ojama wa Nluku ona ya wiiya ntthu woohiina paathuli, woohijikhupali, woohiwalaali, woohihapaliwi, woohihusuti, wala wontuvela fwayita yohiiyi ya shariya.

1 Timootiyu 3:8

Khwa nanna etthiipo anamarumeyela a ojama wa Nluku na yo eeye atthu ooshitahiwa, ahiiye amwanomwaano, ahiiye oohapaliwa wala oowaatuvela opattha fwayita yohiiyi ya haakhi.

Tiitu 3:1

Owaakupusele attwi ooshi yoori ana ya owaashututela apale alokozeliyeeyo na afwalume, eeye anamashututi oolikana, anamaretta zooshapweya wakhula wakathi,

1 Timootiyu 3:3

Ahiiye ntthu woohapaliwa ama woohusuti, eeye ntthu wookemaani na wa heeri. Ahiiye ntthu wontuvela nzurukhu.

1 Akorintiyu 9:7

Khaavo anrumeyaaye nkhama najanka khusala ajilela mweenyewe, wala anzalaaye nrayi wa wuuva khuhiji mishumo zaya, ama anshukaaye liphanko la pwittipwitthi khuhinywi leethi laya.

2 Pheeturu 2:3

Khwa omaashokopho wa anamanozela aya atthaapo, anteela wuujelani khwa hantisi zoopankiwa, hukhumu yaya eri khwa yo raku zeene, na otapanyeya waya khunrupaza.

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

Tiitu 1:11

Enihithajiya owaanyamaza, maana antta owaatapanya ajama ooshi, asomisaka vitthu zoovonyeya, yoori asala apatthela nzurukhu wakhula nanna.

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Filimooni 1:14

Ila akitakheeni oretta etthu ohikinkheeni ruhusa, yoori wakhula onrettaaye ehiiye okhanyareliwa, yiiye khwa otakha wawo.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Arooma 1:15

Tiito miiyo kalikanana wuutafusirelani hapari zooshapweya theenya na mweeyo mwiriiye Rooma.

Khaazi 21:13

Aphano Paawulu khuri: “Mwinlilani mwikipatthisaka huzuni? Miiyo kiri thwayaari khahiyo ofukiwaru paasi, ila na theenya ofwa Yeruzaleemu ottuukho mwaasa wa nzina la Mbwana eetthu Yinsa.”

Khaazi 20:29

Kinjuwa yoori paata ya miiyo olawa enlawa zapuwe miiji za ntthuttu zite vakatthi venu yoori evulaze khuntti.