1 Pheeturu 4:2 - Hapari Zooshapweya

² yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

1 Pheeturu 4:2 Referans Kwoze

1 Pheeturu 1:14

Nkhama aana oshututi, mwihijilipisane tuvela zootakhala za raku, za wakathi opule mwaari wiikhalaaye woohijaliwi.

Ayeefezu 6:6

Khahiyo owaashututela amana eeya attaapho paasi yoori mwipatthe owaatuvelisa, ila mwirette zooshi mwaasa wa wiiya amwiitthwaana a Al-Masiihu, mwirettaka na rooho yenu matakhelo a Nluku.

Arooma 6:11

Khwa nanna etthiipo, mwijoone mwifwiiye khwa twampi, ila mwiri haayi khwa Nluku, nkatthi wa Yinsa Al-Masiihu.

2 Akorintiyu 5:15

Ye awaafwela atthu ooshi yoori apale ariiye haayi ahiikhale theenya khwa yo eenyewe paasi, ila khwa otule awaafweliyeeyo na khusisimuwa.

Ayeefezu 2:3

Raku fooshi fweeyo naari wiikhala nkhama atthaapo, nirettaka niiya za onaatamu etthu, nilottelaka tuvela zaya na wuupuwela waya. Nkhama akinoko aya, naari atthu yaari onisuhaaye katapu ya Nluku.

Arooma 6:2

Wala hatha vattitthiiru! Fweeyo, nifwiiyeeyo khwa twampi, nanna ni nintakhaaye wiikhala ntwampi nttumpho?

Ayeefezu 4:17

Na kiniwuuzani khwa nzina la Mbwana yoori: mwihiiye nkhama amalapo, maana wuupuwela waya khuna fwayita.

Arooma 14:7

Maana khina mmote wa fweeyo aniikhalaaye khwa mweenyewe paasi, na khina mmote wa fweeyo anfwaaye khwa mweenyeweru paasi.

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.

Maaruku 7:21

Maana nroho ti, enlakhaamo zawuupuweliwa zootakhala, oshawi akhapa, wiiya, wuula,

Maaruku 3:35

Otule anrettaaye matakhelo a Nluku, ti eeyiye ttwiiyaku, nlupwaaka na maama.”

1 Yaahaya 2:17

Olumwenku oniisha na omaashokopho aya; ila otule anrettaaye epile Nluku antakhaaye, ontta olipana ohaayi wa mileele.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

1 Atizaloonika 5:18

Mwishukhurwele wakhula enuupatthaanini, maana apo matakhelo a Nluku khwa mweeyo mwaasa wookusanyeya na Al-Masiihu Yinsa.

Akoloosu 1:9

Khwa ethiito, thanku siikhu nisiiliyeeyo, khanilikheleleeni wulompelani mweeyo na oveka yoori mwiiye awiitaala ojuwa wooshi wa niiya ya Nluku, na akhili zooshi na weeleyiwa wa nroho.

Ayeefezu 5:17

Nakataalikha mwihiiye alolo, mweekese ojuwa niiya ya Nluku.

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Arooma 7:4

Apho attwiizaku, mweeyo theenya mwafwa khwa kano, vakatthi wa mwiili wa Al-Masiihu, yoori mwirette phantte ya nkina, opule osisimuwiyeeyo muufwa, yoori nipatthe wiiyana mishumo khwa Nluku.

Yaahaya 1:13

Atthaapo ahivokoliweeni khwa ephattu, wala khwa matakhelo a onaatamu wala ohiiyi khwa makhaamu a nlume, ila avokoliwa khwa matakhelo a Nluku.

Matewuzhu 21:31

“Khwa aana apale awiri ti tuuvi arettiyeeyo matakhelo a papaawe?” Khujipu yoori: “Otule wa mwanzo.” Yinsa khuwooza yoori: “Kiniwuuzani khweele yoori, anamariphisa lumpuru na amalempe antta weetta muufwalume wa Nluku mweeyo mwihineettemu.

Matewuzhu 12:50

Maana otule anrettaaye matakhelo a Paapa ariiye pinkuuni, oto ti ttwiiyaku, nlupwaaka na ti maama.”

Matewuzhu 7:21

“Khahiyo ooshi apale anikiitthaaye yoori: ‘Mbwana, Mbwana,’ anttelaaye weettamo muufwalume wa pinkuuni, ila otule anrettaaye matakhelo a Paapa ariiye pinkuuni.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 3:3

Maana mweeyo mwafwa, na nasaapi ohaayi enu wavithiwa ti Al-Masiihu khwa Nluku.

Matewuzhu 20:4

Aphano khuwooza yoori: ‘Na mweeyo mwilawe mwakhole khaazi mmashapa mwaka la wuuva, miiyo kintta wuuriphani etile enttelaaye wiiya ya shariya.’