1 Pheeturu 4:15 - Hapari Zooshapweya

¹⁵ Nkhama vakatthi venu owaapho anihoowaaye, aheetteeni wiiya namahusuti, nantarawu, nazompere ama ojittha nzanshara zohiiyi zawe.

1 Pheeturu 4:15 Referans Kwoze

2 Atizaloonika 3:11

Maana nasiila yoori akina a mweeyo aneettetta woovonyeyavo, khantakha okhola khaazi, ila anjisoromeza muuhaayi wa azaaya.

1 Atizaloonika 4:11

Mwijilipise yoori mwiiyane ohaayi wawiitthaala, mwiinanele zanshara zenu na mwikhole khaazi na makhono enu, nkhama etthiipo fweeyo nuunozeliyeenini,

1 Timootiyu 5:13

Theenya antta ojinozela oviliwa, weettetta nyuupa khwa nyuupa, khahiyo oviliwa paasi, ohankawaani, waapa na ottakhula vitthu zoohifwayi.

1 Pheeturu 3:17

Afwataali ohoowa mwaasa wa oretta yooshapweya amana eeya matakhelo a Nluku, ehiyeeni ohoowa mwaasa wa oretta yootakhala.

2 Timootiyu 2:9

Miiyo kinhoowa mwaasa wa hapari etthiipo mpakha ofiyelela ofukiwa nkhama nazompere; ila khalifukiweeni nttakhuzi la Nluku.

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

1 Pheeturu 3:14

Khwa zooshi, hatha nkhama mwintta ohoowa mwaasa wa weettettisa shariya, mweeyo mwinttela wiiya oparikhiyiwa. “Mwihoove epile yo anoovaaye, mwihisuthuwe.”